ເຮືອບິນທະຫານເຝິກຊ້ອມໂຕນຈ້ອງ ຂອງກອງທັບອາກາດຝຣັ່ງ ຕົກລົງໃສ່ເຮືອນພັກຄົນຊະລາ ຍິງພິການເສຍຊີວິດຄາ
ທີ່ 1 ຄົນ ແລະ ມີຜູ້ບາດເຈັບອີກ 1 ຄົນ.
ສຳນັກຂ່າວຕ່າງປະເທດລາຍງານ ໃນວັນທີ 11 ທັນວາຜ່ານມານີ້ວ່າ ເກີດເຫດເຮືອບິນທະຫານຂະໜາດນ້ອຍຂອງກອງທັບ
ອາກາດຝຣັ່ງ ຕົກລົງໃສ່ຫລັງຄາເຮືອນພັກຄົນຊະລາ ໃນນະຄອນຫລວງປາຣີ ເມືອງຫລວງຂອງປະເທດ ອັນເປັນເຫດເຮັດ
ໃຫ້ຍິງພິການ ອາຍຸ 63 ປີ ທີ່ອາໄສຢູ່ໃນເຮືອນຫລັງດັ່ງກ່າວເສຍຊີວິດທັນທີ ໃນຂະນະທີ່ຄົນພິການອີກ 1 ຄົນ ກໍໄດ້ຮັບບາດ
ເຈັບ ຖືກນຳຕົວສົ່ງໂຮງໝໍ.
ເຫດການດັ່ງກ່າວນີ້ ເກີດຂຶ້ນໃນລະຫວ່າງການເຝິກຊ້ອມໂຕນຈ້ອງຂອງນັກບິນ ໂດຍຜູ້ເຫັນເຫດການໄດ້ເລົ່າໃຫ້ຜູ້ສື່ຂ່າວ
ຕ່າງປະເທດຟັງວ່າ ເກີດມີສຽງດັງສະໜັ່ນຂຶ້ນ ກ່ອນທີ່ຈະເຫັນຄວັນດຳປຸ້ມຂຶ້ນເທິງຟ້າຕາມມາ ເຊິ່ງສາເຫດຂອງການຕົກ
ດັ່ງກ່າວນີ້ ຍັງຢູ່ໃນລະຫວ່າງການສືບສວນຂອງເຈົ້າໜ້າທີ່ຕໍ່ໄປ.