ສຳນັກຂ່າວຕ່າງປະເທດລາຍງານວ່າ: ເມື່ອບໍ່ດົນມານີ້, ເກີດເຫດເຂື່ອນແຕກ ທີ່ປະເທດຣັດເຊຍ, ໂດຍນໍ້າໄດ້ໄຫຼຖ້ວມເຂົ້າພື້ນທີ່ບໍລິເວນພູເຂົາອຸຣາລ ແລະ ໄຊບີເລຍ, ເຮັດໃຫ້ບ້ານເຮືອນຂອງປະຊາຊົນໄດ້ຮັບຜົນກະທົບຫຼາຍກວ່າ
10,400 ຫຼັງ.
ຕໍ່ກັບເຫດການທີ່ເກີດຂຶ້ນ ປະທານນາທິບໍດີ ວາລາດິເມຍ ປູຕິນ ໄດ້ສັ່ງການໃຫ້ເຈົ້າໜ້າທີ່ເລັ່ງອົບພະຍົບປະຊາຊົນອອກຈາກພື້ນທີ່ ແລະ ໃຫ້ການຊ່ວຍເຫຼືອຢ່າງຮີບດ່ວນ.
ເຫດການທີ່ເກີດຂຶ້ນໃນຄັ້ງນີ້ ແມ່ນເກີດມາຈາກແມ່ນໍ້າອູຣາລ ເປັນແມ່ນໍ້າທີ່ຍາວອັນດັບທີ 3 ຂອງເອີຣົບ ມີລະດັບນໍ້າທີ່ເພິ່ມຂຶ້ນສູງ, ເນື່ອງຈາກນໍ້າກ້ອນເທິງຍອດພູອູຣາລ ລະລາຍຕົວ, ສົ່ງຜົນໃຫ້ລະດັບນໍ້າເພິ່ມສູງຂຶ້ນຢ່າງໄວວາໃນໄລຍະເວລາບໍ່ຮອດຊົ່ວໂມງ, ພາໃຫ້ເຂື່ອນທີ່ກັກເກັບນໍ້າຮັບປະລິມານນຳ້ສ່ວນເກີນບໍ່ໄດ້, ຈຶ່ງເຮັດໃຫ້ເຂື່ອນດັ່ງກ່າວແຕກ ແລະ ນໍ້າໄດ້ໄຫຼຖ້ວມບ້ານເຮືອນຂອງປະຊາຊົນໄດ້ຮັບຄວາມເສຍຫາຍ. ຫຼ້າສຸດນີ້ເຈົ້າໜ້າທີ່ໄດ້ທຳການອົບພະຍົບ ປະຊາຊົນຈຳນວນ 6,100 ອອກຈາກພື້ນທີ່ເກີດເຫດແລ້ວ.
ຂ່າວ: reuters