ຕາມການລາຍງານຂອງທ່ານ ດຣ ກິແກ້ວ ຈັນທະບູນ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ,
ກ່ຽວກັບສະຖານະພາບປະຊາກອນໂລກ ປະຈຳປີ 2014 ເມື່ອມໍ່ໆມານີ້ໃຫ້ຮູ້ວ່າ: ລັດຖະບານ ໄດ້ດຳເນີນມາດຕະການຕ່າງໆ
ເພື່ອປັບປຸງຊີວິດການເປັນຢູ່ຂອງໄວໜຸ່ມໃຫ້ດີຂື້ນຢ່າງຮອບດ້ານ, ເປັນຕົ້ນແມ່ນຄວາມສະເໝີພາບທາງດ້ານການສຶກ
ສາລະຫວ່າງໄວໜຸ່ມຍິງ ແລະ ໄວໜຸ່ມຊາຍ, ສົ່ງເສີມການສ້າງວຽກເຮັດງງານທຳ ແລະ ປັບປຸງການຕອບສະໜອງການບໍ
ລິການສຸຂະພາບ, ລວມເຖິງສຸຂະພາບຈະເລີນພັນໃຫ້ດີຂຶ້ນກວ່າເກົ່າ ແລະ ເຖິງວ່າການດຳເນີນມາດຕະການຕ່າງໆນັ້ນຈະ
ມີຄວາມຄືນໜ້າໃນຫຼາຍດ້ານ, ແຕ່ ສປປ ລາວ ກໍຍັງພົບພໍ້ກັບຫຼາຍບັນຫາທີ່ເປັນສິ່ງທ້າທາຍເຊັ່ນ: ຕາມຕົວເລກການ
ສຳຫຼວດດັດສະນີໝາຍສັງຄົມລາວ (LSIS) ຊີ້ໃຫ້ເຫັນວ່າ ລາວຍັງເປັນໜຶ່ງໃນບັນດາປະເທດທີ່ມີອັດຕາການຖືພາຂອງ
ໄວໜຸ່ມສູງທີ່ສຸດໃນຂົງເຂດ ແລະ ພາກພື້ນ,ໃນແມ່ຍິງ 10 ຄົນໃດປະມານ 4 ຄົນໄດ້ກາຍເປັນແມ່ ຫຼື ຖືພາລູກຜູ້ທຳອິດ,
ໃນອາຍຸ 19 ແລະ ອີງຕາມຜົນວິໄຈສະພາບຂອງໄວໜຸ່ມ ໂດຍສູງການຊາວໜຸ່ມປະຊາຊົນປະຕິວັດລາວ ສະແດງໃຫ້ເຫັນ
ວ່າ ປະມານ 30 % ຂອງໄວໜຸ່ມທີ່ຢູ່ໃນເກນອາຍຸເຂົ້າຮຽນຊັ້ນມັດທະຍົມສຶກສາ ແມ່ນບໍ່ໄດ້ເຂົ້າໂຮງຮຽນ ແລະ ປັດຈຸບັນ
ໄວໜຸ່ມປະມານ 7% ທີ່ຢູ່ໃນຕົວເມືອງ ແມ່ນບໍ່ມີວຽກເຮັດງານທຳ ຫຼື ບໍ່ສົນໃຈເຮັດວຽກ, ຄວາມແຕກໂຕນລະຫວ່າງໄວ
ໜຸ່ມໃນດ້ານບົດບາດຍິງ-ຊາຍຢູ່ໃນບັນດາເຜົ່າ ແລະ ເຂດພູດອຍຫ່າງໄກສອກຫຼີກຍັງຢູ່ລະດັບສູງ ແລະ ໄວໜຸ່ມສ່ວນ
ຫຼາຍຍັງຖືກຈຳກັດໃນຂະບວນການຕັດສິນບັນຫາທີ່ມີຜົນກະທົບຕໍ່ເຂົາເຈົ້າ,ໂດຍການແກ້ໄຂບັນຫາດັ່ງກ່າວນັ້ນແມ່ນ
ຂຶ້ນກັບການລົງທຶນທີ່ເໝາະສົມໃສ່ໄວໜຸ່ມເພາະໄວໜຸ່ມ ແມ່ນເປັນກຳລັງແຮງຫຼັກໃນການສ້າງສາພັດທະນາປະເທດຊາດ.
ແຫລ່ງຂ່າວ: ລາວພັດທະນາ