spot_img
Homeອຸບັດເຫດແລະປາກົດການຫຍໍ້ທໍ້ປີ 2014 ອຸປະຕິ​ເຫດ​ຕາມ​ທ້ອງ​ຖະໜົນ ຫລຸດ​ລົງ​ເກືອບ 1.000 ກໍລະນີ ທຽບ​ໃສ່​ປີ 2013

ປີ 2014 ອຸປະຕິ​ເຫດ​ຕາມ​ທ້ອງ​ຖະໜົນ ຫລຸດ​ລົງ​ເກືອບ 1.000 ກໍລະນີ ທຽບ​ໃສ່​ປີ 2013

Published on

acciident999

 

ຕາມ​ການ​ລາຍ​ງານ​ຂອງ​ເຈົ້າໜ້າ​ທີ່​ຕຳຫລວດ​ຈະລາຈອນ ກະຊວງ​ປ້ອງ​ກັນ​ຄວາມ​ສະຫງົບ ​​ໃຫ້​ຮູ້​ວ່າ: ປີ 2014 (1 ມັງກອນ

ຫາ 31 ພະຈິກ 2014) ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນຫລາຍ​ກວ່າ 5.000 ຄັ້ງ, ມີພາຫະນະ​ເປ່​ເພຫລາຍ​ກວ່າ 8.800 ຄັນ,

​ໃຊ້​ການ​ບໍ່​ໄດ້ 369 ຄັນ ​ແລະ ມີ​ຜູ້​ໄດ້​ຮັບ​ບາດ​ເຈັບ 7.000 ກວ່າ​ຄົນ, ບາດ​ເຈັບສາ​ຫັດ 1.152 ຄົນ ​ແລະ ​ເສຍ​ຊີວິດ 917 ຄົນ.

ປີ 2013 ມີ​ອຸປະຕິ​ເຫດ​ເກີດ​ຂຶ້ນທັງ​ໝົດ 5.931 ກໍລະ ນີ, ມີພາຫະນະ​ເປ່​ເພ​ຫລາຍ​ກວ່າ 10.0000 ຄັນ, ​ໃຊ້​ການ​ບໍ່​ໄດ້ 305 ຄັນ

​ແລະ ມີ​ຄົນ​ໄດ້​ຮັບ​ບາດ​ເຈັບຫລາຍ​ກວ່າ 8.500 ຄົນ, ບາດ​ເຈັບສາຫັດ 2.149 ຄົນ ​ແລະ ​ເສຍ​ຊີວິດ 910 ຄົນ.

 

ສາ​ເຫດ​ທີ່​ພາ​ໃຫ້​ເກີດ​ອຸປະຕິ​ເຫດ​ມາ​ຈາກ​ດື່ມ​ສິ່ງ​ມຶນ​ເມົາ 1.448 ຄົນ, ອາຍຸ​ບໍ່​ເຖິງ​ກະສຽນ 665 ຄົນ, ບໍ່​ມີ​ໃບ​ຂັບ​ຂີ່ 3.956 ຄົນ.

ພາກສ່ວນ​ທີ່​ຮ່ວມ​ເກີດ​ອຸປະຕິ​ເຫດ ສ່ວນ​ໃຫຍ່​ແມ່ນ​ປະຊາຊົນ ແລະ ກຳມະກອນ, ນັກຮຽນ-ນັກ​ສຶກສາ​ເຫລົ່ານີ້​ເປັນຕົ້ນມີມູນ

​ຄ່າ​ຄວາມ​ເສຍ​ຫາຍທັງ​ໝົດ​ປະມານ 66 ຕື້ກວ່າ​ກີບ.

 

ເຖິງ​ຢ່າງ​ໃດ​ກໍ​ດີ, ​ເພື່ອ​ໃຫ້​ບັນຫາການ​ເກີດ​ອຸປະຕິ​ເຫດ​ຕາມ​ທ້ອງ​ຖະໜົນຫລວງ​​ຫລຸດຜ່ອນ ທາງ​ກົມ​ຈະລາຈອນ ກະຊວງ​ປ້ອງ​

ກັນ​ຄວາມ​ສະຫງົບ​ ຈຶ່ງ​ໄດ້​ວາງ​ທິດ​ທາງ ​ແລະ ມີ​ມາດ​ຕະການ​ແກ້​ໄຂ​ທີ່​ສຳຄັນ ​ເປັນຕົ້ນ​ໃຫ້​ບັນດາ​ແຂວງ​ເອົາ​ໃຈ​ໃສ່​ຕໍ່​ວຽກ​ງານ​

ແກ້​ໄຂ​ສະພາບ​ການ​ສັນຈອນ ​ແລະ ​ປະກອບ​ອຸປະກອນ​​ສະໜັບສະໜູນ​ການ​ເຮັດ​ວຽກ​ຂອງ​ເຈົ້າໜ້າ​ທີ່​ໃຫ້​ພຽງພໍ. ນອກ​ນັ້ນ ກ​ໍ

ຈະ​ຕ້ອງ​ໄດ້​ເອົາ​ໃຈ​ໃສ່​ເຜີຍ​ແຜ່​ກົດ​ລະບຽບ​ຈະລາຈອນ​ໃຫ້​ທົ່ວ​ເຖິງ ​ໂດຍ​ສະ​ເພາະ​ແມ່ນສະ​ຖາ​ບັນ​ການ​ສຶກສາ ​ແລະ ໂຮງຮຽນ​

ຕ່າງໆຕ້ອງ​ຖື​ສຳຄັນ​ໃນ​ການ​ສຶກສາ​ອົບຮົມ​ກົດ​ລະບຽບຈະລາຈອນ​ໃຫ້​ກວ້າງຂວາງ ແລະ ​ເລິກ​ເຊິ່ງກວ່າ​ເກົ່າ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...