ຈາກການແບ່ງປັນເລື່ອງລາວຂອງຜູ້ໃຊ້ເຟດບຸກທ່ານໜຶ່ງໄດ້ໂພສເຕືອນເພື່ອເປັນອຸທາຫອນໃຫ້ແກ່ພໍ່ແມ່ຜູ້ປົກຄອງທີ່ມີລູກນ້ອຍໃຫ້ມີສະຕິໃນການເບິ່ງແຍງລູກຫຼານຂອງທ່ານ, ເນື່ອງຈາກມີກໍລະນີເດັກນ້ອຍກືນແຜງຢາລົງຄໍ ແຕ່ໝໍສາມາດຊ່ວຍເອົາອອກໄດ້ທັນເວລາ. ເຊິ່ງເນື້ອໃນໂພສໄດ້ກ່າວວ່າ: ” ເປັນອຸທາຫອນເດີ້ພໍ່ໆແມ່ໆທຸກຄົນ, ມື້ນີ້ມີເດັກນ້ອຍອາຍຸພຽງແຕ່ 1 ປີ ໄດ້ຫຼິ້ນກັບອ້າຍໆສາມສີ່ຄົນ, ພໍ່ແມ່ຄາດສາຍຕາຄາວດຽວ, ເດັກໄດ້ກືນແຜງຢາລົງໄປ ເດັກມີອາການຫາຍໃຈຝືດເພາະແຜງຢາໄປຕັນຢູ່ຫຼອດລົມ ດີແຕ່ເພິ່ນພາມາໂຮງໝໍທັນ, ທີມງານແພດທາງໂຮງໝໍສາກົນ ປາກເຊ-ທັງຮົວ ໄດ້ເອົາອອກໃຫ້ທັນ ນໍ້າຕາຈົນໄຫຼນໍາດ້ວຍຄວາມອີ່ຕົນເພິ່ນ” .
ດັ່ງນັ້ນ, ຢາກຝາກເຕືອນພໍ່ແມ່ຜູ້ປົກຄອງຈົ່ງມີສະຕິ, ເອົາໃຈໃສ່ໃນການເບິ່ງແຍງລູກຫຼານຂອງທ່ານຢ່າງໃກ້ຊິດຍິ່ງຂຶ້ນ, ເພາະເຮົາບໍ່ອາດຮູ້ໄດ້ເລີຍວ່າຈະເກີດເຫດການບໍ່ຄາດຄິດ ຫຼື ອຸບັດຕິເຫດທີ່ເກີດຂຶ້ນໄດ້.