Homeຂ່າວພາຍ​ໃນຫົວພັນ ທົດລອງເປີດໃຫ້ບໍລິການລົດຂົນສົ່ງສາທາລະນະ

ຫົວພັນ ທົດລອງເປີດໃຫ້ບໍລິການລົດຂົນສົ່ງສາທາລະນະ

Published on

ທ່ານ ດາວອນ ວົງລໍຄຳ ຮອງຫົວໜ້າພະແນກ ໂຍທາທິການ ແລະ ຂົນສົ່ງແຂວງຫົວພັນ ໄດ້ລາຍງານຕໍ່ຂ່າວຫົວພັນໃນວັນທີ 21 ກຸມພາທີ່ຜ່ານມາວ່າ: ພະແນກໂຍທາທິການ ແລະ ຂົນສົ່ງແຂວງຫົວພັນໄດ້ອະນຸມັດໃຫ້ ບໍລິສັດ ອິນຊີຮຸ່ງເຮື່ອງ ຂົນສົ່ງຄົບວົງຈອນພາຍໃນ ແລະ ຕ່າງປະເທດທົດລອງເປີດການແລ່ນລົດຂົນສົ່ງສາທາລະນະຕາມເສັ້ນທາງຢູ່ເທດສະບານເມືອງຊໍາເໜືອ, ແຕ່ສະຖານີຂົນສົ່ງໂດຍສານແຂວງຫົວພັນ ( ພູທະນູ ) ລົງມາຮອດຈຸດປໍ້ານໍ້າມັນນາສະກາງ ( ປໍ້ານໍ້າມັນອຸນລາວັນ ) ລ້ຽວຂວາຕາມເສັ້ນທາງຕັດໃໝ່ຜ່ານບ້ານມີສຸກ-ນາວຽງ-ນາໜອງບົວ-ບ້ານນາທອງ ( ປ້ອມຍາມຕໍາຫຼວດຈະລາຈອນ), ລ້ຽວກັບມາຜ່ານເສັ້ນທາງເລກ 6 ຫາໜ່ວຍແກ້ວ, ຜ່ານຖະໜົນຜາຖີ່ໄປຫາສີ່ແຍກໜອງຄ້າງແລ້ວລ້ຽວກັບມາທາງໂຮງຮຽນ SOS, ຜ່ານພະແນກກະສິກຳຫາສີ່ແຍກໄຟແດງ ຮອດໜ່ວຍແກ້ວແລ້ວກັບຄືນຕາມເສັ້ນທາງເລກ 6 ຫາ 3 ແຍກປ້ອມຕໍາຫຼວດນາທອງຜ່ານເສັ້ນທາງຕັດໃໝ່ກັບຄືນສະຖານີຂົນສົ່ງໂດຍສານພູທະນູ.

May be an image of 16 people and ambulance

ການບໍລິການແມ່ນບໍ່ເສຍຄ່າເປັນເວລາ 3 ເດືອນ, ເຊິ່ງເລີ່ມເປີດບໍລິການນັບແຕ່ວັນທີ 21 ກຸມພາ 2024 ເປັນຕົ້ນໄປ, ເຊິ່ງລົດຈະແລ່ນອອກຈາກສະຖານີຂົນສົ່ງໂດຍສານໃນທຸກໆ 2 ຊົ່ວໂມງຄື: ເລີ່ມແຕ່ 7:00 – 18:00 ໂມງ ຂອງວັນຈັນ-ສຸກ. ລົດດັ່ງກ່າວແມ່ນໄດ້ຮັບການຊ່ວຍເຫຼຶອຈາກບໍລິສັດບູຢອງລາວຈຳກັດ, ລັກສະນະຂອງລົດເປັນລົດຕູ້ນ້ອຍ 14 ບ່ອນນັ່ງ, ສີຂຽວອ່ອນ ແລະ ມີສະຕິກເກີຕິດຢູ່ດ້ານຂ້າງຂອງລົດມີຂໍ້ມູນລະບຸວ່າ: ລົດຂົນສົ່ງສາທາລະນະ. ຜູ້ທີ່ມີຈຸດປະສົງຈະເດີນທາງດ້ວຍລົດຂົນສົ່ສາທາລະນະແມ່ນສາມາດໂບກມືລັດເພື່ອຂື້ນລົດໄດ້ທຸກໆຈຸດຕາມສາຍທາງທີ່ພາຫະນະແລ່ນຜ່ານ.

May be an image of 7 people and trolley

ທັງນີ້ເພື່ອເປັນການອຳນວຍຄວາມສະດວກໃຫ້ແກ່ນັກຮຽນ, ນັກສຶກສາ, ພະນັກງານ, ທະຫານ, ຕໍາຫຼວດ, ພໍ່ຄ້າຊາວຂາຍ, ປະຊາຊົນ, ນັກທຸລະກິດ, ນັກທ່ອງທ່ຽວທັງພາຍໃນ ແລະ ຕ່າງປະເທດ, ເພື່ອຫຼຸດຜ່ອນການນໍາໃຊ້ລົດສ່ວນຕົວ ແລະ ຫຼຸດຜ່ອນຄວາມແອອັດຂອງການສັນຈອນໃນຕົວເມືອງຊໍາເໜືອ.

ຂ່າວ-ພາບ: ນິດຖະໜອມ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...