ເວັບໄຊ້ຂ່າວຕ່າງປະເທດລາຍງານໃນວັນທີ 22 ກຸມພາ 2024 ກ່ຽວກັບເລື່ອງລາວຂອງໜຸ່ມຈີນສຸດໂຊກດີ ຊື້ບ້ານເກົ່າ 3 ປີ ດອກໄຟເລີ່ມດັບໆຕິດໆ ຈຶ່ງຂຶ້ນໄປປ່ຽນດອກໄຟ ແຕ່ຕ້ອງຕົກໃຈເມື່ອພົບເງິນສົດຈຳນວນຫຼາຍຢູ່ເທິງເພດານ.
ທ້າວ ຈາງ ເປັນພະນັກງານຂົຍສົ່ງອາຫານໃນແຂວງເຫີນາມ ເຊິ່ງຕົນໄດ້ໃຊ້ເງິນທີ່ຫາມາໄດ້ດ້ວຍຄວາມລຳບາກ 560,000 ຢວນ ຫຼື ປະມານ ເກືອບ 2 ຕື້ກີບ ເພື່ອຊື້ບ້ານທີ່ຖືກຍຶກຈາກອະສັງຫາລິມມະສັບເມື່ອ 3 ປີກ່ອນ ຕາມການລາຍງານ ທ້າວຈາງບໍ່ມີເງິນຫຼາຍພໍໃນການຕົບແຕ່ງບ້ານຫຼັງຈາກຊື້ບ້ານໃໝ່ຜ່ານມາ 2-3 ມື້ ເຂົາຮູ້ສຶກວ່າໄຟໃນຫ້ອງນັ່ງຫຼິ້ນປິດເປີດຢູ່ຕະຫຼອດເວລາຈຶ່ງຄິດວ່າຄວນຊື້ດອກໄຟມາປ່ຽນໃໝ່.
ໃນມື້ຕໍ່ມາທ້າວ ຈາງ ຈື່ງຂຶ້ນປ່ຽນດອກໄຟໃນຫ້ອງນັ່ງຫຼິ້ນ ເມື່ອປິນຂັນໄດຂຶ້ນເພື່ອຈະປ່ຽນດອກໃໝ່ໃສ່ກໍພົບວ່າມີຫຍັງບາງຢ່່າງຢູ່ເທິງເພດານຈາກນັ້ນລາວກໍໄດ້ເປີດເພດານຢ່າງລະມັດລະວັງ ແຕ່ກໍຕ້ອງຕົກໃຈ ແລະ ບໍ່ເຊື່ອສາຍຕາວ່າພາບຢູ່ທາງໜ້າຈະເປັນຄຄວາມຈິງ ລາວໄດ້ພົບເງິນຈຳນວນ 62 ລ້ານຢວນ ຫຼື ປະມານເກືອບ 2 ພັນຕື້ກີບ.
ຫຼັງຈາກໃຊ້ເວລາຫຼາຍມື້ເຂົາໄດ້ຕັດສິນໃຈໂທຫາຕຳຫຼວດ ແລະ ໃຫ້ລາຍລະອຽດກ່ຽວກັບການຄົ້ນພົບເງິນຈຳນວນເຫຼົ່ານີ້ພາຍໃນຫ້ອງນັ່ງຫຼິ້ນ ລັງຈາກນັ້ນທາງບໍລິດສັດທີ່ ທ້າວ ຈາງ ເຮັດວຽກຢູ່ ຈື່ງຕອບແທນຄວາມດີຂອງລາວດ້ວຍການມອບເງິນໃຫ້ຈຳນວນ 20,000 ຢວນ ຫຼື ປະມານເກືອບ 60 ລ້ານກີບ.
ສຳລັບກົດໝາຍໃນຈີນຕາມມາດຕາ 124 ໄດ້ລະບຸວ່າ: ຊັບສິນທີ່ໄດ້ຮັບເນື່ອງຈາກການຈັດການທີ່ບໍ່ສົມເຫດສົມຜົນ ເງິນນັ້ນຈະຕ້ອງຄືນໃຫ້ເຈົ້າຂອງຕາມກົດໝາຍ ຫາກຄົນກ່ອນໄດ້ຮັບເງິນມາແບບຜິດກົດໝາຍເງິນເຫຼ່ານີ້ຈະຖືກສົ່ງຄືນສົ່ງລັດຖະບານ ທັງນີ້ຫາກ ທ້າວ ຈາງ ຮູ້ ແລະ ບໍ່ລາຍງານວ່າພົບເຫັນເງິນເຂົາອາດຈະຕ້ອງຮັບຜິດທາງອາຍາ.