spot_img
Homeຂ່າວພາຍ​ໃນເຈົ້າແຂວງຄຳມ່ວນ ລົງຕິດຕາມເສັ້ນທາງໃນເທສະບານເມືອງທ່າແຂກ

ເຈົ້າແຂວງຄຳມ່ວນ ລົງຕິດຕາມເສັ້ນທາງໃນເທສະບານເມືອງທ່າແຂກ

Published on

ວັນທີ 16 ກຸມພາ ທີ່ຜ່ານມາ, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ພ້ອມດ້ວຍບັນດາພະແນກການ, ພາກສ່ວນທີ່ກ່ຽວຂ້ອງໄດ້ລົງຕິດຕາມ ເສັ້ນທາງຊອຍບ້ານໂພນສະໜາມ, ເມືອງທ່າແຂກ ເພື່ອປັບປຸງກໍ່ສ້າງເປັນທາງປູຢາງ 2 ຊັ້ນ.

May be an image of 3 people

ໃນປີ 2022 ທາງການນໍາແຂວງຄໍາມ່ວນ ໄດ້ອະນຸມັດໃຫ້ພະແນກໂຍທາທິການ ແລະ ຂົນສົ່ງແຂວງ ສໍາຫຼວດເສັ້ນທາງຫຼັກ ແລະ ເສັ້ນທາງຊອຍພາຍໃນເທສະບານເມືອງທ່າແຂກ ເຊິ່ງມີທັງໝົດຈຳນວນ 10 ເສັ້ນ.

May be an image of 6 peopleໃນນັ້ນ ປີ 2023 ແມ່ນໄດ້ອະນຸມັດໃຫ້ກໍ່ສ້າງແລ້ວຈຳນວນ 02 ເສັ້ນ, ໂດຍສືບຕໍ່ແຜນງານດັ່ງກ່າວໃນປີ 2024 ນີ້ ການນຳຂອງແຂວງກໍ່ໄດ້ອະນຸມັດການປັບປຸງກໍ່ສ້າງເສັ້ນທາງຊອຍ ບ້ານໂພນສະໜາມ, ເມືອງທ່າແຂກ, ເຊິ່ງເປັນທາງປູຢາງ 2 ຊັ້ນ, ມີຄວາມຍາວ 1.200 ແມັດ, ໜ້າທາງກວ້າງ 5 ແມັດ, ເຊິ່ງຈະໄດ້ເລີ່ມລົງມືຈັດຕັ້ງປະຕິບັດໃນໄວໆນີ້ ແລະ ຄາດວ່າຈະໃຫ້ສໍາເລັດການກໍ່ສ້າງກ່ອນບຸນປີໃໝ່ລາວ ພສ 2567 ທີ່ຈະມາເຖິງນີ້.

ຂ່າວ: Khammouane News

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...