ທັບນັກກິລາຈູຈິດຊູລາວ ແຈ້ງເກີດສ້າງຜົນງານໂດດເດັ່ນຄວ້າ 4 ຫຼຽນຄຳ, 3 ຫຼຽນເງິນ ແລະ 1 ຫຼຽນທອງ ໃນການແຂ່ງຂັນ ຈູຈິດຊູ ລົບບູຣີ ໂອເພັນ 2024 ຫຼື ລາຍການ Jujitsu Lopburi Open 2024 ທີ່ແຂວງລົບບຸຣີ ປະເທດໄທ ຈັດຂຶ້ນເມື່ອວັນທີ 17 ກຸມພາ ຜ່ານມາ.
ການແຂ່ງຂັນໃນຄັ້ງນີ້ ນຳພາໂດຍ ອາຈານ ກັນຍາເພັດ ພັນດານຸວົງ ຄູຝຶກ ແລະ ນັກກິລາ 4 ຄົນ ຮ່ວມແຂ່ງຂັນ, ເຊິ່ງມີການຊີງໄຊທັງໝົດ 8 ລາຍການ ການແຂ່ງຂັນລາຍການດັ່ງກ່າວ ມີນັກກິລາເຂົ້າຮ່ວມທັງໝົດ 553 ຄົນ ຈາກ 52 ທີມໃນທົ່ວປະເທດໄທ.
ຜົນງານຂອງທັບນັກກິລາ ຈູຈິດຊູລາວ ສາມາດຍາດໄດ້ 4 ຫຼຽນຄຳ, 3 ຫຼຽນເງິນ ແລະ 1 ຫຼຽນທອງ, ໃນນັ້ນນັກກິລາຈູຈິດຊູລາວ ຍາດມາໄດ້ ຈາກ:ທ້າວ ນິດສອນ ເພັງໂສພາ 2 ຫຼຽນຄຳ ຮຸ່ນ -18 ປີ Class B ລາຍການ Ne waza System ແລະ Fighting System ແລະ ທ້າວ ນັດຕະພົງ ພົມມະຈັນ 2 ຫຼຽນຄຳ ຮຸ່ນ +18 ປີ Class B ລາຍການ Ne waza System ແລະ Fighting System ສ່ວນທ້າວ ຄຳແກ້ວ ວິໄລພອນ ຍາດໄດ້ 2 ຫຼຽນເງິນ ຮຸ່ນ +18 ປີ Class B ລາຍການ Ne waza System ແລະ Fighting System ແລະ ນາງ ຈອມມະນີ ມະນີໄຊ 1 ຫຼຽນເງິນ ຮຸ່ນ +18 ປີ Class A ລາຍການ Ne waza System ແລະ 1 ຫຼຽນທອງ ລາຍການ Fighting System.
ຂ່າວ: ໜັງສືພິມສຶກສາ-ກິລາ