spot_img
Homeຂ່າວພາຍ​ໃນກັກລົດທີ່ດັດແປງສະພາບຫຼາຍກວ່າ 30 ຄັນ

ກັກລົດທີ່ດັດແປງສະພາບຫຼາຍກວ່າ 30 ຄັນ

Published on

ເມື່ອດົນມານີ້, ກອງຈາລະຈອນ ປກສ ເມືອງວຽງພູຄາ ແຂວງ ຫຼວງນ້ຳທາ ໄດ້ອອກກວດກາປະຈຳປ້ອມສີແຍກບ້ານວຽງສະຫວ່າງ, ເທດບານເມືອງໄດ້ພົບເຫັນຜູ້ລະເມີດການສັນຈອນໂດຍການດັດແປງສະພາບເຕັກນິກລົດຈຳນວນ 40 ຄັນ ແລະ ພົບເຫັນຢາສູບໄຟຟ້າຈຳນວນ 2 ຫຼອດ. ຈາກນັ້ນ, ຈຶ່ງໄດ້ເຊີນເອົາພໍ່ແມ່ຜູ້ປົກຄອງພ້ອມດ້ວຍລູກຫຼານຜູ້ທີ່ລະເມີດມາສຶກສາອົບຮົມກ່າວເຕືອນ, ໂດຍມີທ່ານ ພັທ ທອງຫອມ ທັນອໍລະພິມ,ຄະນະພັກຮາກຖານ ຮອງຫົວໜ້າກອງບັນຊາການ ປກສ ເມືອງ ແລະ ມີພະນັກງານກອງຈາລະຈອນເຂົ້າຮ່ວມ.

ພັທ ທອງຫອມ ທັນອໍລະພິມ ໃຫ້ຮູ້ວ່າ: ການທີ່ເຊີນເອົາພໍ່ແມ່ຜູ້ປົກຄອງ ແລະ ຜູ້ທີລະເມີດລະບຽບການສັນຈອນເຂົ້າມາໃນຄັ້ງນີ້, ກໍເພື່ອເປັນການສຶກສາອົບຮົມ ແລະ ກ່າວເຕື່ອນຜູ້ຂັບຂີ່ທີ່ປັບແຕ່ງສະພາບເຕັກນິກລົດ, ລົດດັດແປງໄຟຕາລົດ (ໄຟສີ) ຈຳນວນ 11 ຄັນ, ດັດແປ່ງທໍ່ອາຍເສຍດັງເກີນ 10 ຄັນ, ລົດໄຟຕາບໍ່ຮຸ່ງ ແລະ ໃສ່ຕີນນ້ອຍ 19 ຄັນ ເຊິ່ງເປັນການລະເມີດກົດລະບຽບການສັນຈອນທາງບົກ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ, ມີຜູ້ລະເມີດ 40 ຄົນ ອາຍຸ ລະຫວ່າງ 16 ຫາ 20 ປີ, ລົດຈັກທັງ 40 ຄັນ.

ຈາກນັ້ນ, ກໍໄດ້ສ້າງບົດບັນທຶກ ແລະ ນໍາເອົາເຄື່ອງອາໄຫຼ່ທີ່ຖືກຕ້ອງຕາມສະພາບເຕັກນິກຂອງໂຮງງານມາປ່ຽນໃສ່ລົດ,ຈຶ່ງອະນຸຍາດນຳເອົາລົດອອກໄປຊົມໃຊ້. ພ້ອມດຽວກັນນັ້ນ, ທ່ານຍັງໄດ້ຮຽກຮ້ອງຕໍ່ຜູ້ຂັບຂີ່ຫ້າມດັດແປ່ງເຕັກນິກລົດທຸກປະເພດ, ຫ້າມແຂ່ງລົດ, ຫ້າມຂີ່ລົດເປັນພຶງເປັນແພສ້າງຄວາມສັບສົນຢູ່ທ້ອງຖະໜົນຫຼວງ,ຖ້າຫາກຜູ້ໃດຝ່າຝືນທາງເຈົ້າໜ້າທີ່ພົບເຫັນຈະໄດ້ດຳເນີນຕາມລະບຽບກົດໝາຍໃນສະຖານໜັກ ຫຼື ເບົາ.

ຂ່າວ: ປະຊາຊົນ

ບົດຄວາມຫຼ້າສຸດ

ຄົບຮອບ 70 ປີ ສປປ ລາວ ເຂົ້າເປັນສະມາຊິກ ອົງການ ສປຊ ຊຶ່ງກາຍເປັນຮາກຖານໃຫ້ແກ່ ສປປ ລາວ ກ້າວໄປສູ່ການຫຼຸດພົ້ນອອກຈາກ ສະຖານະພາບດ້ອຍພັດທະນາ

ພິທີສະເຫຼີມສະຫຼອງ ຄົບຮອບ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ (ສປຊ) ຈັດຂຶ້ນໃນວັນທີ 20 ພະຈິກ 2025 ພາຍໃຕ້ຄຳຂວັນ:...

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...