Homeຂ່າວພາຍ​ໃນມວສ ມອບອຸປະກອນການຮຽນໃຫ້ໂຮງຮຽນ

ມວສ ມອບອຸປະກອນການຮຽນໃຫ້ໂຮງຮຽນ

Published on

ຄະນະສາທາລະນະສຸກສາດ ມະຫາວິທະຍາໄລ ວິທະຍາສາດສຸຂະພາບ (ມວສ) ກະຊວງສາທາລະນະສຸກ, ພ້ອມດ້ວຍພະນັກງານຄູ-ອາຈານ, ນັກສຶກສາ ໄດ້ນໍາເອົາເຄື່ອງອຸປະກອນການຮຽນ-ການສອນ ແລະ ເຄື່ອງກິລາໃນມູນຄ່າ 18.800.000 ກີບ ມອບໃຫ້ແກ່ໂຮງຮຽນປະຖົມສົມບູນບ້ານໃໝ່ນາຈະເລີນ ເມືອງສັງທອງ ນະຄອນຫຼວງວຽງຈັນ ໃນວັນທີ 10 ກຸມພາຜ່ານມາໃຫ້ກຽດກ່າວມອບໂດຍທ່ານ ນາງ ວັນພະນອມ ສີຈະເລີນ ຄະນະບໍດີຄະນະສາທາລະນະສຸກສາດ ມວສ ກະຊວງສາທາລະ ນະສຸກ, ໃຫ້ກຽດກ່າວຮັບໂດຍທ່ານ ບຸນແຍງ ໄຊຍະວົງ ຜູ້ອໍານວຍການໂຮງຮຽນປະຖົມສຶກສາສົມບູນ ບ້ານໃໝ່ນາຈະເລີນ, ມີພະນັກງານຄູ-ອາຈານ, ນັກສຶກສາ ແລະ ນັກຮຽນເຂົ້າຮ່ວມ.

May be an image of 9 people and text

ຈຸດປະສົງຂອງການມອບເຄື່ອງໃນຄັ້ງນີ້ກໍເພື່ອເປັນການປະກອບສ່ວນຊຸກຍູ້ເຂົ້າໃນການຮໍ່າຮຽນ ແລະ ການເຄື່ອນໄຫວກິດຈະກໍາກິລາຂອງໂຮງຮຽນດັ່ງກ່າວ.

May be an image of 10 people and text

ສຳລັບເຄື່ອງທີ່ນໍາມາມອບປະກອບມີປື້ມແບບຮຽນວິຊາພາສາລາວປໍ1 ຫາ ປໍ 5 ຈໍານວນ 120 ຫົວ; ປື້ມແບບຮຽນວິຊາຄະນິດສາປໍ 1 ຫາປໍ 5 ຈໍານວນ 75 ຫົວ; ປື້ມແບບ ຮຽນວິຊາຄຸນສົມບັດປໍ 1 ຫາ ປໍ 5 ຈໍານວນ 95 ຫົວ; ປຶ້ມແບບຮຽນວິຊາສິ່ງແວດ ລ້ອມ ປໍ1 ຫາ ປໍ 5 ຈໍານວນ 75 ຫົວ; ປຶ້ມແບບ ຮຽນວິຊາພາສາອັງກິດ ປໍ4 ຫາ ປໍ5ຈໍານວນ 40 ຫົວ, ປື້ມແບບຮຽນວິຊາສັງຄົມສຶກສາ ປໍ4 ຫາ ປໍ 5 ຈໍານວນ 40 ຫົວ; ບິກ-ສໍດໍາ ພ້ອມດ້ວຍຊຸດກິລາເດັກ ນ້ອຍ, ບານເຕະ, ບານສົ່ງ, ກະຕໍ້ ແລະ ອື່ນໆ.

ຂ່າວ: ຍຸພິນທອງ (ຂໍ້ມູນ ຄະນະສາທາລະນະສຸກສາດ ມວສ)

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...