ໃນວັນທີ 12 ກຸມພາ 2024 ສຳນັກຂ່າວ ຮອຍເຕີ ລາຍງານຄວາມຄືບໜ້າສະຖານະການດິນຖະຫຼົ່ມ ໃນພື້ນທີ່ຕອນໃຕ້ຂອງປະເທດຟິລິບປິນ ຕັ້ງແຕ່ວັນທີ 6 ກຸມພາ 2024 ຜ່ານມາ, ຕາມການລາຍງານຍອດຜູ້ເສຍຊີວິດເພີ່ມຂຶ້ນຢ່່າງນ້ອຍ 54 ຄົນ ຫຼັງຈາກໜ່ວຍກູ້ໄພພົບຮ່າງຜູ້ເສຍຊີວິດອີກ 17 ຄົນ.

ທາງດ້ານສຳນັກງານທ້ອງຖິ່ນໃນແຂວງ ດາເວົາເດໂອໂຮ ລະບຸວ່າ: ເຈົ້າໜ້າທີ່ຫຼາຍກວ່າ 300 ຄົນລະດົມກຳລັງເລັ່ງຄົ້ນຫາຜູ້ປະສົບໄພທີ່ຍັງສູນຫາຍອີກ 63 ຄົນ ຫຼັງຢຸດການປະຕິບັດໜ້າທີ່ຊ່ວຍເຫຼືອ ແລະ ຄົ້ນຫາເມື່ອວັນເສົາ ທີ 10 ກຸມພາ 2024 ຜ່ານມາ ເນື່ອງຈາກເກີດເຫດແຜ່ນດິນໄຫວຂະໜາດ 5,8 ແມັກນິຈູດໃນພຶ້ນທີ່ທີ່ເຈົ້ານ້າທີ່ລົງໃຫ້ການຊ່ວຍເຫຼືອ.