Homeຂ່າວພາຍ​ໃນຄຳມ່ວນ ຈັດເກັບລາຍຮັບໄດ້ 2.724 ຕື້ກີບ

ຄຳມ່ວນ ຈັດເກັບລາຍຮັບໄດ້ 2.724 ຕື້ກີບ

Published on

ທ່ານ ຄຳສິງ ໄຊສິດທິເດດ ຫົວໜ້າພະແນກການເງິນແຂວງຄຳມ່ວນ ລາຍງານກ່ຽວກັບການຈັດຕັ້ງປະຕິບັດການຄຸ້ມຄອງຈັດເກັບລາຍຮັບງົບປະມານ ປີ 2023 ແລະ ທິດທາງແຜນການປີ 2024 ໃນວັນທີ 6 ກຸມພາ ໃຫ້ຮູ້ວ່າ: ໃນປີ 2023 ແຂວງຄໍາມ່ວນ ໄດ້ຮັບການມອບໝາຍຈັດເກັບລາຍຮັບເຂົ້າງົບປະມານ 1.742 ຕື້ກີບ. ຜ່ານການຈັດຕັ້ງປະຕິບັດໄດ້ທັງໝົດ 2.724 ຕື້ກີບ ເທົ່າກັບ 156,38% ຂອງແຜນ, ໃນນັ້ນລາຍຮັບສູນກາງແຜນປີ 788,00 ຕື້ກີບ, ປະຕິບັດໄດ້ 978,73 ຕື້ກີບ ເທົ່າກັບ 124,21 ຕື້ກີບ, ລາຍຮັບທ້ອງຖິ່ນ ແຜນປີ 954,21 ຕື້ກີບ, ປະຕິບັດໄດ້ 1.746 ຕື້ກີບ ເທົ່າກັບ 182,94% ຂອງແຜນປີ. ສ່ວນດ້ານລາຍຈ່າຍແຜນການປີ 742,43 ຕື້ກີບ, ປະຕິບັດໄດ້ 739,73 ຕື້ກີບ ເທົ່າກັບ 99,64%.

May be an image of 1 person and text that says 'ลาว 528'

ສຳລັບປີ 2024 ແມ່ນໄດ້ຮັບຕົວເລກມອບໝາຍທັງໝົດ 2.417 ຕື້ກີບ, ທຽບໃສ່ປີ 2023 ເພີ່ມຂຶ້ນ 27,93% ຫຼືເທົ່າກັບ 675,21 ຕື້ກີບ. ໃນນັ້ນ,ລາຍຮັບສູນກາງ 1.045 ຕື້ກີບ, ເພີ່ມຂຶ້ນ 24,59% ແລະ ລາຍຮັບທ້ອງຖິ່ນ 1.372 ຕື້ກີບ, ເພີ່ມຂຶ້ນ 30,48%. ສ່ວນແຜນຄາດຄະເນທາງດ້ານລາຍຈ່າຍ ທັງໝົດ 546,59 ຕື້ກີບ, ຫຼຸດລົງ 7,11% ແລະ ໃນປີ 2024 ລັດຖະບານກໍ່ໄດ້ສືບຕໍ່ໃນການຫັນແຂວງຄຳມ່ວນເປັນແຂວງທີ່ກຸ້ມຕົນເອງທາງດ້ານລາຍຈ່າຍງົບປະມານ.

No photo description available.
ເພື່ອເຮັດໃຫ້ການຈັດເກັບລາຍຮັບເຂົ້າງົບປະມານ ໃຫ້ບັນລຸ – ເກີນແຜນ ແລະ ຄຸ້ມຄອງລາຍຈ່າຍຢ່າງມີປະສິດທິຜົນ, ຂະແໜງການເງິນກໍ່ໄດ້ວາງວຽກງານຈຸດສຸມ ແລະ ມາດຕະການຈັດຕັ້ງປະຕິບັດຄື: ສູ້ຊົນຈັດເກັບລາຍຮັບໃຫ້ພຽງພໍກັບລາຍຈ່າຍ, ຮັບປະກັນໃຫ້ມີລາຍຮັບທີ່ສາມາດດຸ່ນດ່ຽງໃຫ້ຂັ້ນສູນກາງ ກ້າວໄປເຖິງມີລາຍຮັບທີ່ເກີນແແຜນ ພ້ອມທັງມອບຄວາມຮັບຜິດຊອບໃຫ້ແກ່ຂະແໜງຄັງເງິນເຮັດໜ້າທີ່ກວດກາຄວາມຖືກຕ້ອງທາງດ້ານເອກະສານ ກ່ອນການເບີກຈ່າຍ ແລະ ຂະແໜງປະມານ, ເຮັດໜ້າທີ່ຕິດຕາມ, ກວດກາພາຍຫຼັງການເບີກຈ່າຍຢ່າງເຂັ້ມງວດ, ເພື່ອຮັບປະກັນທາງດ້ານລາຍຈ່າຍມີຄວາມຖືກຕ້ອງ, ສອດຄ່ອງຕາມລະບຽບກົດໝາຍ, ບໍ່ໃຫ້ມີການເບີກຈ່າຍເງິນນອກແຜນ. ນອກນີ້,ສຳລັບລາຍຈ່າຍຢູ່ຂັ້ນເມືອງ ແມ່ນມອບໃຫ້ເປັນຄວາມຮັບຜິດຊອບຂອງເມືອງເປັນຜູ້ຄຸ້ມຄອງ ແລະ ອະນຸມັດການເບີກຈ່າຍທາງດ້ານງົບປະມານທັງໝົດຢູ່ໃນຂັ້ນເມືອງ, ສ່ວນແຂວງຈະເຮັດໜ້າທີ່ໃນການຕິດຕາມ ແລະ ກວດກາ.

ຂ່າວ: khammouane News

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...