ຫວຽດນາມ ແລະ ເກົາຫລີໃຕ້ ບັນລຸຂໍ້ສະຫລຸບຂອງຂໍ້ຕົກລົງການຄ້າເສລີ (FTA) ໃນວັນທີ 10 ທັນວາຜ່ານມານີ້ ຫລັງ
ເຈລະຈາກັນມາດົນເຖິງ 28 ເດືອນ.
ປະທານາທິບໍດີ ປາກ ກຶນ ເຮ ຂອງເກົາຫລີໃຕ້ ປະກາດຂໍ້ສະຫລຸບການເຈລະຈາ ຫລັງຮ່ວມມືຫາລືກັບນາຍົກລັດຖະມົນຕີ
ຫງວຽນ ເຕິນ ຢຸງ ທີ່ນະຄອນປູຊານ ສາທາລະນະລັດເກົາຫລີ ໂດຍທັງສອງປະເທດມີກຳນົດທີ່ຈະເລີ່ມຕົ້ນຂໍ້ຕົກລົງດັ່ງກ່າວ
ໃນໄລຍະ 6 ເດືອນຕົ້ນປີໜ້າ ກ່ອນທີ່ຈະລົງນາມຢ່າງເປັນທາງການ ແລະ ໄດ້ຮັບການຮັບຮອງຈາກລັດຖະສະພາສອງຝ່າຍ.
ຂໍ້ຕົກລົງການຄ້າເສລີທະວິພາຄີດັ່ງກ່າວນີ້ ແມ່ນຄວບຄຸມໃນ 17 ພາກສ່ວນ ເຊິ່ງລວມມີທັງສິນຄ້າ, ການບໍລິການ, ການ
ລົງທຶນ ແລະ ສິດທິໃນຊັບສິນທາງປັນຍາ ໂດຍຝ່າຍຫວຽດນາມເຫັນດີທີ່ຈະເປີດເສລີສິນຄ້ານຳເຂົ້າຈາກເກົາຫລີໃຕ້ 92.2%
ສ່ວນເກົາຫລີໃຕ້ ແມ່ນຈະເປີດໃຫ້ແກ່ຝ່າຍຫວຽດນາມ 94.7%.