ມັນດີບປະເຊີນພາວະຂາດແຄນນ້ຳຈືດຂັ້ນວິກິດ ຫລັງໂຮງງານປັບປຸງຄຸນນະພາບນ້ຳຖືກໄຟໄໝ້ ປະຊາຊົນນັບແສນຄົນ
ຍາດຊິງຂວດນ້ຳ ຄາດໃຊ້ເວລາສ້ອມແປງຄືນ 7-10 ມື້.
ສຳນັກຂ່າວຕ່າງປະເທດລາຍງານ ໃນວັນທີ 9 ທັນວາທີ່ຜ່ານມານີ້ວ່າ ສະຖານະການຂາດແຄນນ້ຳຈືດໃນມັນດີບ ເກາະທ່ອງ
ທ່ຽວທີ່ມີຊື່ສຽງ ກາງມະຫາສະໝຸດອິນເດຍ ກຳລັງເຂົ້າສູ່ວິກິດການ ນັບຕັ້ງແຕ່ເກີດເຫດໄຟໄໝ້ໂຮງງານປັບປຸງຄຸນນະພາບ
ນ້ຳ ເຊິ່ງເປັນໂຮງງານປ່ຽນນ້ຳເຄັມໃຫ້ກາຍເປັນນ້ຳຈືດ ໃນມື້ວັນທີ 4 ທັນວາທີ່ຜ່ານມາ ສົ່ງຜົນເຮັດໃຫ້ບໍ່ສາມາດສົ່ງນ້ຳຈືດ
ໄປຍັງເຮືອນຊານຂອງປະຊາຊົນ ໃນນະຄອນຫລວງມາເລ ເມືອງຫລວງຂອງປະເທດ ເຊິ່ງມີປະຊາກອນກ່ວາ 120,000ຄົນ.
ຊາວເມືອງມາເລ ຍາດຊີງກັນຊື້ນ້ຳດື່ມຈາກຮ້ານຄ້າ ຈົນເກີດມີການປະທະກັນຂຶ້ນໃນບາງພື້ນທີ່ ໂດຍຢ່າງໃດກໍຕາມ ປະເທດ
ເພື່ອນບ້ານເຊັ່ນ ອິນເດຍ, ຈີນ, ສີລັງກາ ແລະ ບັງກະລາເທດ ໄດ້ທະຍອຍສົ່ງນ້ຳຈືດເຂົ້າໄປຊ່ວຍເຫລືອແລ້ວ.
ຂະນະທີ່ທາງການຂອງມັນດີບ ໄດ້ລະບຸວ່າຮອດປັດຈຸບັນນີ້ຍັງບໍ່ສາມາດສ້ອມແປງໂຮງງານປັບປຸງຄຸນນະພາບນ້ຳໄດ້ສຳເລັດ
ແລະ ຄາດວ່າຈະໃຊ້ເວລາປະມານ 7-10 ມື້ ຈິ່ງຈະໃຫ້ສຳເລັດໄດ້.