spot_img
Homeຂ່າວຄວາມສະຫງົບຊາຍຊາວຫວຽດນາມກໍ່ເຫດຄາຕະກຳ ຍ້ອນຫຶງຫວງເມຍ

ຊາຍຊາວຫວຽດນາມກໍ່ເຫດຄາຕະກຳ ຍ້ອນຫຶງຫວງເມຍ

Published on

ອີງຕາມຂ່າວຄວາມສະຫງົບ ລາຍງານ ໃນວັນທີ 31 ມັງກອນ 2024 ນີ້, ເຈົ້າໜ້າທີ່ພະແນກຕຳຫຼວດສືບສວນ-ສອບສວນ ຄະດີອາຍາຫ້ອງຕຳຫຼວດ ປກສ ແຂວງຄຳມ່ວນ ໄດ້ສົມທົບກັບພາກສ່ວນທີ່ກ່ຽວຂ້ອງ ນຳຕົວ ທ້າວ ດ່າວຕວັນວູ່ ອາຍຸ 32 ປີ, ອາຊີບກຳມະກອນ, ເຊື້ອຊາດ ແລະ ສັນຊາດຫວຽດນາມ ບ້ານຢູ່ປັດຈຸບັນ ບ້ານ ລົກໂບນ, ເມືອງຟູລົກ, ແຂວງເທື່ອທຽນເຫດ, ປະເທດ ຫວຽດນາມ, ປັດຈຸບັນພັກເຊົາຢູ່ບ້ານສັນຕິສຸກ ເມືອງທ່າແຂກ ແຂວງຄຳມ່ວນ ໄປທົດສະກຳຄືນ ເຫດການຄາດຕະກຳ ທ້າວ ໂງ່ແທັງຫາຍ ອາຍຸ 29 ປີ ໃນຕອນກາງຄືນ ເວລາ ປະມານ 22:30 ໂມງ ຂອງວັນທີ 25 ມັງກອນ 2024 ເນື່ອງຈາກ ຫຶງຫວງເມຍ ຈິ່ງກໍ່ເຫດຄາດຕະກຳໃນຄັ້ງນີ້.

ທ້າວ ດ່າວຕວັນວູ່ ໄດ້ສາລະພາບຕໍ່ເຈົ້າໜ້າທີ່ວ່າ: ໃນວັນທີ 23 ເມສາ 2018 ຕົນເອງ ກັບ ເມຍ ຊື່ ນາງຫວໍທິທູຮັ່ງ ອາຍຸ 37 ປີ ໄດ້ເດີນທາງມາທີປະເທດລາວ ມາພັກ ແລະ ເຊົ່າເຮືອນເປີດຮ້ານຂາຍເຂົ້າປຸ້ນ ຢູ່ບ້ານຈອມທອງ, ເມືອງທ່າແຂກ ແຂວງຄຳມ່ວນ, ມີລູກຮ່ວມກັນ 01 ຄົນ. ຢູ່ມາທັງສອງຜົວເມຍ ຈຶ່ງໄດ້ຮູ້ຈັກກັບ ທ້າວໂງ່ແທັງຫາຍ (ຜູ່ເສຍຊິວິດ) ທີ່ພັກເຊົາຢູ່ເຮືອນໃກ້ຄຽງຫ່າງກັນປະມານ 10 ເເມັດ. ຜ່ານມາ ທ້າວ ດ່າວຕວັນວູ່ ມັກຜິດຖຽງກັບ ນາງຫວໍທີທູຮັ່ງ ມາຕະຫຼອດ ຍອນຜູ້ເປັນຜົວບໍ່ຊອກເຮັດວຽກເພື່ອຫາເງິນມາໃຊ້ຈ່າຍໃນຄອບຄົວ ແລະ ມັກຜິດຖຽງກັນ ເລື່ອງເມຍຂອງຜູ້ກ່ຽວມັກໄປກີນເບຍຢູ່ເຮືອນຂອງ ທ້າວ ໂງ່ແທັງຫາຍເປັນປະຈຳ ເຮັດໃຫ້ ເກີດມີຄວາມຫຶງຫວງ.

ໃນວັນທີ 18 ມັງກອນ 2024 ທ້າວ ດ່າວຕວັນວູ ຈໄດ້ສົ່ງຂໍ້ຄວາມ ເຕືອນຫາ ທ້າວ ໂງ່ແທັງຫາຍ ຜ່ານທາງເຟສບຸກ ວ່າ: ຢ່າພົວພັນກັບ ນາງ ຫວໍທິທູຮັ່ງ ຫຼາຍເກີນໄປ. ເວລາປະມານ ກາງຄືນຂອງວັນທີ 25 ມັງກອນ 2024 ໄດ້ມີຄົນຮູ້ຈັກກັນຢູ່ຂ້າງຫ້ອງໃກ້ຄຽງ ເຊິ່ງເປັນພີ່ນ້ອງ ແລະ ອາໃສ່ຢູ່ຮ່ວມກັນກັບ ທ້າວ ໂງ່ແທັງຫາຍ ມາເອີ້ນ ທ້າວ ດ່າວຕວັນວູ່ ແລະ ນາງ ຫວໍທີທູຮັ່ງ ສອງຜົວເມຍ ມາກິນຊີ້ນດາດນຳຢູ່ເຮືອນ ແຕ່ທ້າວ ດ່າວຕວັນວູ່ ຕອບວ່າ: ຂອບໃຈພວກເຮົາກິນເຂົ້າແລ້ວໆ.

ຈາກນັ້ນ ຜູ້ເປັນເມຍຈຶ່ງໄດ້ຍ່າງໄປກິນຊິ້ນດາດນຳ, ຜູ້ກ່ຽວໄດ້ເກີດມີແນວຄິດຫຶງຫວງເມຍ ບວກກັບອາການມຶນເມົາ ຈຶ່ງໄດ້ຈັບເອົາມີດຢູ່ເຮືອນຄົວ ຍາວ 25 cm. ແລ້ວຍ່າງວົນໄປທາງຫຼັງເຮືອນຂອງຜູ້ເສຍຊິວິດ ເພື່ອໄປນາບຄູ່, ພໍໄປຮອດປະຕູຫຼັງເຮຶອນ ແນມເຫັນ ທ້າວໂງ່ແທັງຫາຍ ກຳລັງເຂົ້າຫ້ອງນໍ້າ ຜູ້ກ່ຽວຈິ່ງຍູ້ປະຕູຫ້ອງນໍ້າ ເຮັດໃຫ້ ທ້າວໂງ່ແທັງຫາຍ (ຜູ້ເສຍຊິວິດ) ພະຫຼາດລົ້ມ ແລ້ວທ້າວ ດ່າວຕວັນວູ່ ຈຶ່ງໄດ້ໃຊ້ມີດແທງໃສ່ໜ້າເອິກຈຳນວນ 01 ບາດ ແລ້ວໄດ້ແກວ່ງມີດເຫຼັມດັ່ງກ່າວຖິ້ມເຂົ້າປ່າເອົາຕົວຫຼົບໜີ. ສ່ວນທ້າວ ໂງ່ແທັງຫາຍ ແມ່ນໄດ້ຮັບບາດເຈັບສາຫັດ ແລ້ວຈິ່ງພະຍາຍາມຄານເຂົ້າໃນເຮືອນເອີ້ນບອກພີ່ນ້ອງທີ່ກຳລັງກິນຊີ້ນດາດມາຊ່ວຍ ເພື່ອນຳສົ່ງໂຮງໝໍແຂວງຄຳມ່ວນ ແລະ ໄດ້ເສຍຊີວິດໃນເວລາຕໍ່ມາ.
ມາຮອດເວລາ 15:00ໂມງຂອງວັນທີ 28 ມັງກອນ 2024 ທາງເຈົ້າໜ້າທີ່ພະແນກຕຳຫຼວດສືບສວນ-ສອບສວນຄະດີອາຍາ ປກສ ແຂວງຄຳມ່ວນ ກໍໄດ້ສົມທົບກັບພາກສ່ວນທີ່ກ່ຽວຂ້ອງຈຶ່ງໄດ້ນຳຈັບຕົວ ທ້າວ ດ່າວຕວັນວູ່ ມາດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...