Homeຂ່າວພາຍ​ໃນຮອງຮັບນັກທ່ອງທ່ຽວໄດ້ຢ່າງພຽງພໍ

ຮອງຮັບນັກທ່ອງທ່ຽວໄດ້ຢ່າງພຽງພໍ

Published on

ປັດຈຸບັນ, ແຂວງຫຼວງພະບາງ ມີຕາໜ່າງເສັ້ນທາງຄົມມະນາຄົມຂົນສົ່ງທາງບົກ, ທາງນໍ້າ, ທາງອາກາດ ແລະ ທາງລົດໄຟທີ່ເຊື່ອມໂຍງເຊື່ອມຈອດກັບບັນດາແຂວງ ແລະ ບັນດາປະເທດ. ໃນນັ້ນ, ເສັ້ນທາງຫຼວງແຫ່ງຊາດເລກທີ 13 ເໜືອ, ເລກ 7, ເລກ 4, ເລກ 41 ແລະ ເລກ 1C, ມີເສັ້ນທາງຫຼວງຂອງແຂວງ, ທາງຫຼວງຂອງເມືອງທີ່ເຊື່ອມໄປຫາແຫຼ່ງທ່ອງທ່ຽວຂອງແຂວງ, ມີເສັ້ນທາງລົດໄຟຜ່ານຈາກນະຄອນຫຼວງວຽງຈັນໄປສູ່ ສປ ຈີນ, ມີສະໜາມບິນສາກົນທີ່ເປີດສາຍການບິນພາຍໃນ ແລະ ຕ່າງປະເທດຫຼາຍສາຍ, ມີແມ່ນໍ້າຂອງ-ນໍ້າຄານທີ່ເປັນທ່າແຮງການຂົນສົ່ງ ແລະ ທ່ອງທ່ຽວທາງນໍ້າ.

ທ່ານ ບຣົ່ງວ່າງ ຫວ່າງເຈຍຊາ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ແຂວງຫຼວງພະບາງໄດ້ໃຫ້ສຳພາດກ່ຽວກັບການກຽມຄວາມພ້ອມຕ້ອນຮັບນັກທ່ອງທ່ຽວ ທີ່ຈະມາທ່ຽວຊົມຫຼວງພະບາງໃນປີທ່ອງທ່ຽວລາວ 2024 ວ່າ: ທົ່ວແຂວງຫຼວງພະບາງມີບໍລິສັດຂົນສົ່ງໂດຍສານທັງໝົດ 94 ບໍລິສັດ, ບໍລິສັດລົດໃຫ້ເຊົ່າມີ 13 ບໍລິສັດ, ມີສະມາຄົມລົດຂົນສົ່ງໂດຍສານທັງໝົດ 11 ແຫ່ງ (ກຳລັງຄົ້ນຄວ້າສ້າງຕັ້ງໃໝ່ 8 ບໍລິສັດ), ມີສະຖານີຂົນສົ່ງໂດຍສານ 6 ສະຖານີ, ມີລົດຂົນສົ່ງໂດຍສານທັງໝົດ 2.147 ຄັນ, ໃນນີ້, ມີລົດຂົນສົ່ງໂດຍສານ, ບໍລິການທ່ອງທ່ຽວ ແລະ ລົດໃຫຍ່ໃຫ້ເຊົ່າຈຳນວນ 455 ຄັນ, ມີບໍລິສັດລົດຈັກໃຫ້ເຊົ່າ 27 ບໍລິສັດ, ມີລົດຈັກທັງໝົດ 447 ຄັນ; ໄດ້ບໍລິການຂົນສົ່ງໂດຍ ສານທາງບົກພາຍໃນແຂວງ 11 ສາຍທາງ, ໃນນັ້ນ, ສາຍທາງລະຫວ່າງແຂວງ 9 ແຂວງ 18 ສາຍທາງ ແລະ ສາຍຕ່າງປະເທດຈຳນວນ 6 ສາຍຄື: ໄປປະເທດຫວຽດນາມ 4 ສາຍ, ໄທ 2 ສາຍ, ນັບແຕ່ຕົ້ນປີ 2023 ຮອດເດືອນພະຈິກມີບໍລິມາດການຂົນສົ່ງໂດຍສານບັນລຸໄດ້ 533.187 ຄົນ.

ທ່ານຍັງໃຫ້ຮູ້ຕື່ມວ່າ: ເພື່ອຮັບປະກັນໃຫ້ມີລົດບໍລິການຮັບໃຊ້ຢ່າງພຽງພໍ ພະແນກ ຍທຂ ໄດ້ຄົ້ນຄວ້າ ແລະ ມີແຜນຊຸກຍູ້ສົ່ງເສີມໃຫ້ແກ່ບັນດາບໍລິສັດທີ່ມີຈຸດປະສົງໃນການຂະຫຍາຍກິດຈະການ ໃນການບໍລິການໃຫ້ມີລົດຮັບໃຊ້ພຽງພໍ ແລະ ວ່ອງໄວ ໂດຍເພີ່ມຈຳນວນລົດບໍລິການຕາມຄວາມເປັນຈິງ ເພື່ອຮອງຮັບໃຫ້ແກ່ນັກທ່ອງທ່ຽວ. ໃນໄລຍະເວລາອັນໃກ້ນີ້, ແຂວງຫຼວງພະບາງຈະດຳເນີນການບໍລິການລົດເມປະຈຳທາງຂະໜາດ 20 ບ່ອນນັ່ງ, ຈໍານວນ 60 ຄັນ ຊຶ່ງໄດ້ຮັບການຊ່ວຍເຫຼືອຈາກລັດຖະບານເກົາຫຼີໂດຍຜ່ານອົງການ JICA ທີ່ຈະຮັບໃຊ້ເປັນລົດຂົນສົ່ງສາທາລະນະພາຍໃນນະຄອນຫຼວງພະບາງ, ເພື່ອເຮັດໃຫ້ການບໍລິການຂົນສົ່ງໂດຍສານພາຍໃນນະຄອນຫຼວງພະບາງມີຄວາມສະດວກຂຶ້ນທັງເປັນການແກ້ໄຂສະພາບການສັນຈອນແອອັດໄດ້ຫຼາຍຂຶ້ນ.

ຂ່າວ-ພາບ: ຫຼວງພະບາງ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...