ສຳນັກຂ່າວຕ່າງປະເທດລາຍງານໃນວັນທີ 15 ມັງກອນ 2024 ນີ້, ເຈົ້າຊີວິດເຟເດີຣິກທີ 10 ແຫ່ງເດນມາກ ຂຶ້ນຄອງຣາຊອານາຈັກ ເປັນເຈົ້າຊີວິດອົງໃໝ່ ສືບຕໍ່ຈາກຄວີນມາເກຣເທີ ທີ 2 ເມື່ອວັນທີ 14 ມັງກອນ 2024 ຜ່ານມາ.

ພາຍຫຼັງສົມເດັດພະລາຊິນີ ມາເກຣເທີ ທີ 2 ໄດ້ລົງນາມສະລະສົມບັດຢ່າງເປັນທາງການທີ່ພະລາຊະວັງ ຄຣິດຕຽນບອກ ໃນກຸງໂຄເປເຣເກນ (ເມືອງຫຼວງຂອງເດນມາກ), ເຈົ້າຊີວິດເຟເດີຣິກ ທີ 10 ກໍໄດ້ປາກົດຕົວຢູ່ລະບຽງພະລາຊະວັງ ຄຣິດຕຽນບອກ ເພື່ອທັກທາຍປະຊາຊົນນັບໝື່ນຄົນ ທີ່ມາເປັນສັກຂີພະຍານ ແລະ ຮ່ວມອວຍພອນ ໂດຍ ທ່າຍ ເມດເຕ ເຟເດີຣິກ, ນາຍົກລັດຖະມົນຕີເດນມາກ ໄດ້ປະກາດການສະຖາປະນາມຸງກຸດຣາຊະກຸມານເຟເດີຣິກ ໃນການຂຶ້ນຂອງຣາຊະອານາຈັກ ເປັນເຈົ້າຊີວິດເຟເດີຣິກ ທີ 10 ຫຼື ເຈົ້າຊີວິດຄົນໃໝ່ແຫ່ງເດນມາກ ໂດຍທ່ານນາຍົກລັດຖະມົນຕີ ຍັງເປັນຄົນນຳກ່າວຄຳວ່າ: ຂໍໃຫ້ເຈົ້າຊີວິດເຟເດີຣິກ ທີ 10 ຈົ່ງຈະເລີນຮຸ່ງເຮືອງ 3 ຄັ້ງ.

ເຈົ້າຊີວິດເຟເດີຣິກ ທີ 10 ແມ່ນໄດ້ຮັບຄວາມນັບຖື ແລະ ຮັກແພງຫຼາຍຈາກປະຊາຊົນຊາວເດນມາກ. ຫຼັງຈາກນັ້ນ, ທ່ານ ນາງ ແມຣີ ເຊິ່ງກໍໄດ້ຂຶ້ນເປັນສົມເດັດພະລາຊິນີ ຖືໄດ້ວ່າເປັນຄັ້ງທຳອິດ ທີ່ປະຊາຊົນທົ່ວໄປໄດ້ຂຶ້ນເປັນພະລາຊີນີແຫ່ງເດນມາກ ແລະໄດ້ປາກົດຕົວຄຽງຄູ່ກັບເຈົ້າຊີວິດ ພ້ອມທັງລູກໆທັງ 4 ຄົນ.