ພິທີງານວາງສະແດງຜະລິດຕະພັນສິນຄ້າສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຈັດຂຶ້ນວັນທີ 12 ມັງກອນ 2024 ທີ່ເດີ່ນພະທາດຫຼວງວຽງຈັນ ເປັນກຽດເຂົ້າຮ່ວມຂອງທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ ທ່ານ ພົນຕີ ວົງຄຳ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ທ່ານ ວົງສັກ ພັນທະວົງ ຫົວໜ້າກຳມາທິການປ້ອງກັນຊາດ-ປ້ອງກັນຄວາມສະຫງົບ ສະພາແຫ່ງຊາດ ທ່ານ ຄໍາລາວັນ ຈັນທະລາວັນ ຮອງຫົວໜ້າຫ້ອງວ່າການສຳນັກງານນາຍົກ ຮອງລັດຖະມົນຕີປະຈຳສໍານັກງານນາຍົກ ພ້ອມດ້ວຍນາຍ ແລະ ພົນທະຫານແຂກຖືກເຊີນເຂົ້າຮ່ວມ.
ການຈັດງານວາງສະແດງໃນຄັ້ງນີ້ຫົວໜ່ວຍທຸລະກິດເຂົ້າຮ່ວມ 50 ຫົວໜ່ວຍ ແບ່ງອອກເປັນ 95 ຮ້ານ ໃນນັ້ນມີຫົວໜ່ວຍການຜະລິດ (ໂຮງຈັກ ໂຮງງານ ບໍລິສັດ ວິສາຫະກິດພາຍໃນກອງທັບ 34 ຫົວໜ່ວຍ) ນອກຈາກນີ້ຍັງມີກຸ່ມຜະລິດຕົວແບບຂອງອົງການຈັດຕັ້ງຕ່າງໆ 13 ຫົວໜ່ວຍຫົວໜ່ວຍຂອງຄົນຕ່າງປະເທດທີ່ດຳເນີນທຸລະກິດຢູ່ລາວ 3 ຫົວໜ່ວຍ ງານດັ່ງກ່າວຈະວາງສະແດງ ແລະ ຂາຍສິນຄ້ານັບແຕ່ວັນທີ 12-18 ມັງກອນນີ້.
ທີ່ມາ: ວຽງຈັນໃໝ່