ສຳນັກຂ່າວຕ່າງປະເທດລາຍງານໃນວັນທີ 9 ມັງກອນ 2024 ທ່ານ ເອັມມານູເອວ ມາຄົງ ປະທານາທິບໍດີຝຣັ່ງ ໄດ້ແຕ່ງຕັ້ງ ທ່ານ ກາບຽວ ອາວຕານ ເປັນນາຍົກລັດຖະມົນຕີຄົນໃໝ່ຂອງປະເທດຝຣັ່ງ ແທນທີ່ ນາງ ອາລິສະເບັດ ບອນ ຜູ້ລາອອກຈາກຕຳແໜ່ງຫຼັງຈາກເຮັດໜ້າທີ່ໄດ້ພຽງ 20 ເດືອນເນື່ອງຈາກຝ່າຍລັດຖະບານຂາດສຽງຈຳນວນຫຼາຍໃນລັດຖະສະພາ.
ທ່ານ ກາບຽວ ອາວຕານ ມີອາຍຸ 34 ປີ ເຊິ່ງໃນປັດຈຸບັນດຳລົງຕຳແໜ່ງລັດຖະມົນຕີກະຊວງສຶກສາທິການຝຣັ່ງ ກາຍເປັນນາຍົກລັດຖະມົນຕີທີ່ມີອາຍຸນ້ອຍທີ່ສຸດໃນປະຫວັດສາດ ຍຸກໃໝ່ຂອງຝຣັ່ງ ທຳລາຍສະທິຕິຂອງ ທ່ານ ໂລຣອງ ຟາບ້ຽດ ທີ່ຮັບຕຳແໜ່ງຂະນະອາຍຸ 37 ປີ ໃນຍຸກປະທານາທິບໍດີ ຟຣອງຊົວ ມິດແຕຣອງ ໃນປີ 1984.
ທັງນີ້ ທ່ານ ອາວຕານ ໄດ້ຮັບຕຳແໜ່ງລັດຖະມົນຕີກະຊວງສຶກສາທິການ ຕັ້ງແຕ່ເດືອນ 7 ປີ 2023 ຜ່ານມາ, ໂດຍລະຫວ່າງນັ້ນ ເຂົາບັງຂັບໃຊ້ກົດ ຫ້າມສວມໃສ່ຊຸດ ອາບາຍະ (abaya) ໃນໂຮງຮຽນລັດ ແລະ ພະຍາຍາສ້າງຄວາມຕະໜັກຮູ້ເລື່ອງການບູລີ້ໃນໂຮງຮຽນມາໂດຍຕະຫຼອດ.
ທີ່ມາ: ໄທລັດ