ສຳນັກຂ່າວຕ່າງປະເທດ worldofbuzz ລາຍງານໃນວັນທີ 7 ມັງກອນ 2024 ກ່ຽວກັບເລື່ອງສຸດໜ້າຍິນດີເມື່ອຊາຍຊາວມາເລເຊຍຄົນນໜຶ່ງໄດ້ຈັດພິທີແຕ່ງງານກັບເມຍຄົນທີສອງ ໂດຍເມຍຄົນທຳອິດກໍເຂົ້າຮ່ວມງານແຕ່ງ ແລະ ໃຫ້ການສະນັບສະໜູນເປັນຢ່າງດີ.
ທ້າວ ມູຫາມັດ ລອກມັນ ເຈົ້າບ່າວອາຍຸ 38 ປີ ເປີດເຜີຍວ່າ: ເຂົາແຕ່ງງານໃຊ້ຊີວິດຄູ່ຮ່ວມກັບເມຍຄົນທຳອິດໄດ້ 12 ປີ ແລະ ພວກເຂົາມີລູກນຳກັນ 3 ຄົນ, ສ່ວນການແຕ່ງງານຄັ້ງທີສອງນັ້ນເກີດຂຶ້ນຈາກຄວາມຕ້ອງການຂອງເມຍຜູ້ທຳອິດ ເຊິ່ງຢາກໃຫ້ຜົວຂອງຕົນເອງຮັບໝູ່ສະນິດມາເປັນເມຍອີກຄົນ ຜົວຈຶ່ງຍອມຮັບຕາມຄວາມຕ້ອງການຂອງເມຍຄົນທຳອິດ ແລະ ຈັດງານວີວາທີ່ມັດສະຍິດແຫ່ງໜຶ່ງໃນວັນທີ 24 ທັນວາ 2023 ຜ່ານມາ.
ມູຫາມັດ ລອກມັນ ໄດ້ກ່າວຕື່ມອີກວ່າ: ເຖິງແມ້ວ່າຈະເປັນຄວາມຕ້ອງການຂອງເມຍໃນຕອນທຳອິດ ແຕ່ຄວາມຕ້ອງການທີ່ຈະມີເມຍຫຼາຍຄົນຕ້ອງໄດ້ຮັບອານຸຍາດກ່ອນ ເຊິ່ງເມຍຄົນທຳອິດໃຫ້ການສະໜັບສະໜູນການແຕ່ງເປັນຢ່າງດີ, ຫຼັງຈາກເຂົາໂພສເລື່ອງລາວ ແລະ ຮູບຖ່າຍງານແຕ່ງງານລົງໃນສື່ສັງຄົມອອນລາຍ ເຂົາກໍໄດ້ຮັບຄຳອວຍພອນຫຼາຍຈາກຄົນສະນິດ ແລະ ຊາວເນັດ ຕາງພາກັນຍິນດີໃນງານແຕ່ງຄັ້ງນີ້.