ສຳນັກຂ່າວ AP ລາຍງານໃນວັນທີ 5 ມັງກອນ 2024 ນີ້ວ່າ: ເກີດເຫດການກາດຍິງກັນ ຢູ່ທີ່ໂຮງຮຽນ ເພີຣີ ຫາຍສະຄູ ພິນຊິເພິລ ແດນ ມາເບີເກີ ໃນເມືອງເພີຣີ ທາງຕາເວັນອອກຂອງລັດໄອໂອວາ ສະຫະລັດອາເມຣິກາ ໃນວັນພະຫັດ ທີ 4 ມັງກອນ 2024 ທີ່ຜ່ານມາ, ເຊິ່ງເປັນມື້ທຳອິດໃນການເປີດເທີມຮຽນໃນຊ່ວງລະດູໜາວ.
ຕາມການລາຍງານຂອງເຈົ້າໜ້າທີ່ລະບຸວ່າ: ຜູ້ກໍ່ເຫດຊື່ ທ້າວ ດີແລນ ບັດເລີ ອາຍຸ 17 ປີ, ທີ່ຫາກໍຈົບການສຶກສາຈາກໂຮງຮຽນດັ່ງກ່າວ ໃຊ້ອາວຸດປືນລູກຊອງ ແລະ ປືນສັ້ນໃນການກໍ່ເຫດ ເຮັດໃຫ້ມີຄົນເສຍຊີວິດຢ່າງໜ້ອຍ 1 ຄົນ, ເປັນນັກສຶກສາເກດ 6 ຫຼື ປະມານປະຖົມສຶກສາປີທີ 6 ແລະ ອີກ 5 ຄົນໄດ້ຮັບບາດເຈັບ ທາງດ້ານຕຳຫຼວດໄດ້ລາຍງານຕື່ມອີກວ່າ: ໄດ້ພົບສົບຄົນກໍ່ເຫດຈາກບາດແຜກະສຸນປືນ ຄາດວ່າເປັນການປິດຊີບຕົນເອງ.
ນອກຈາກນີ້ຍັງພົບອຸປະກອນລະເບີດ ເຊິ່ງເຈົ້າໜ້າທີ່ສາມາເກັບກູ້ໄດ້ເປັນທີ່ຮຽບຮ້ອຍແລ້ວ ສ່ວນສາເຫດຍັງຢູ່ໃນລະຫວ່າງການສອບສວນ ໂດຍຕຳຫຼວດກຳລັງກວດສອບຂໍ້ຄວາມຢູ່ໃນສື່ສັງຄົນອອນລາຍທີ່ຜູ້ກໍໍ່ເຫດໄດ້ໂພສໃນຊ່ວງເວລາກ່ອນກໍ່ເຫດກາດຍິງ.