spot_img
Homeຂ່າວຕ່າງປະເທດຂ່າວດີ! ຫຼວງພະບາງ ຕິດ Top 11 ສະຖານທີ່ທີ່ສວຍງາມທີ່ສຸດໃນໂລກ

ຂ່າວດີ! ຫຼວງພະບາງ ຕິດ Top 11 ສະຖານທີ່ທີ່ສວຍງາມທີ່ສຸດໃນໂລກ

Published on

ເລີ່ມຕົ້ນປີການທ່ອງທ່ຽວລາວ 2024 ທີ່ພິເສດ, ເພາະຫຼວງພະບາງຕິດອັນດັບ 11 ສະຖານທີ່ທີ່ສວຍງາມທີ່ສຸດໃນໂລກ ຈາກທັງໝົດ 50 ອັນດັບ.

ອີງຕາມເວັບໄຊ Times Travel ຂອງອິນເດຍໄດ້ແບ່ງປັນບົດຄວາມກ່ຽວກັບການຈັດອັນດັບສະຖານທີ່ທີ່ສວຍງາມທີ່ສຸດ ໃນໂລກທີ່ຄວນໄປທ່ຽວໃນປີ 2024 ນີ້ ໃນວັນທີ 1 ມັງກອນທີ່ຜ່ານມາ. ຜົນປາກົດວ່າ ຫຼວງພະບາງ, ລາວ ແມ່ນຕິດອັນດັບທີ 11 ຈາກທັງໝົດ 50 ອັນດັບ ທີ່ເປັນສະຖານທີ່ທີ່ສວຍງາມທີ່ສຸດໃນໂລກ.

ໃນບົດຄວາມຂອງເວັບໄຊດັ່ງກ່າວມີເນື້ອໃນວ່າ: ” ຫຼວງພະບາງ ເປັນເມືອງໜຶ່ງທີ່ໄດ້ຮັບລາງວັນເມືອງມໍລະດົກໂລກຈາກອົງການ UNESCO, ເປັນເມືອງທີ່ມີຄວາມງຽບສະຫງົບສຸກ, ເຕັມໄປດ້ວຍວັດວາອາຮາມ ແລະ ພຸດທະສາສະນິກາຊົນ ທີ່ມີຄວາມເຫຼື້ອມໃສສັດທາຕໍ່ພຸດທະສາສະໜາ, ຕະຫຼາດທ້ອງຖິ່ນທີ່ມີຊີວິດຊີວາ, ທິວທັດທີ່ສວຍງາມຂອງແມ່ນໍ້າຂອງ ເວົ້າໄດ້ວ່າ ສະຖານທີ່ແຫ່ງນີ້ແມ່ນປຽບເໝືອນສະຫວັນຂອງການພັກຜ່ອນຢ່ອນໃຈທີ່ດີທີ່ສຸດ”. ການທີ່ຫຼວງພະບາງໄດ້ຮັບເລືອກໃຫ້ຕິດອັນດັບທີ 11 ຈາກທັງໝົດ 50 ອັນດັບສະຖານທີ່ທີ່ສວຍງາມທີ່ສຸດໃນໂລກໃນຄັ້ງນີ້ ຖືໄດ້ວ່າເປັນ ບາດກ້າວອັນດີຂອງການເລີ່ມຕົ້ນປີ 2024 ທີ່ເປັນປີການທ່ອງທ່ຽວລາວ ແລະ ຂໍຄວາມຮ່ວມມືໃຫ້ປະຊາຊົນລາວທຸກຄົນຮ່ວມກັນເປັນເຈົ້າພາບທີ່ດີໃນການຕ້ອນຮັບນັກທ່ອງທ່ຽວທີ່ຈະເຂົ້າມາທ່ຽວຊົມປະເທດລາວຂອງພວກເຮົາໃຫ້ມີ ຄວາມປະທັບໃຈ ແລະ ສ້າງຄວາມຊົງຈຳທີ່ດີໃນຊ່ວງເວລາທີ່ມາທ່ຽວຊົມປະເທດລາວຂອງພວກເຮົາ.

ຫຼວງພະບາງໄດ້ຮັບລາງວັນເປັນເມືອງມໍລະດົກໂລກຈາກອົງການ UNESCO ໃນວັນທີ 9 ເດືອນທັນວາ ປີ 1995, ສະຖິຕິຈຳນວນນັກທ່ອງທ່ຽວທີ່ເຂົ້າມາທ່ຽວຊົມແຂວງຫຼວງພະບາງຕັ້ງແຕ່ເດືອນມັງກອນ ຫາ ເດືອນກັນຍາ 2023 ແມ່ນມີຈໍານວນ 210.129 ເທື່ອຄົນ. ໃນນີ້, ນັກທ່ອງທ່ຽວ 5 ອັນດັບຕົ້ນທີ່ເຂົ້າມາທ່ຽວລາວຫຼາຍທີ່ສຸດ ອັນດັບໜຶ່ງແມ່ນນັກທ່ອງທ່ຽວຈາກ ປະເທດໄທ, ຮອງລົງມາແມ່ນປະເທດຫວຽດນາມ, ຈີນ, ສ. ເກົາຫຼີ ແລະ ອາເມລິກາ ຕາມລຳດັບ.

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...