ເດັກນ້ອຍແລກເກີດນຳ້ໜັກຫຼາຍເຖິງ 7 ກິໂລກຣາມ ທຳລາຍສະຖິຕິເດັກແລກເກີດ ທີ່ມີນຳ້ໜັກຫຼາຍທີ່ສຸດໃນໂລກ.

ອີງຕາມເວັບໄຊຕ່າງປະເທດລາຍງານວ່າ: ເມື່ອວັນທີ 28 ທັນວາ 2023 ທີ່ຜ່ານມາ ທີ່ໂຮງໝໍແຫ່ງໜຶ່ງໃນເມືອງຄູຣານີລາຮູ (Curanilahue) ປະເທດຊີລີ ມີແມ່ໃຫ້ກຳເນີດ ລູກນ້ອຍແລກເກີດທີ່ມີນຳ້ໜັກຫຼາຍເຖິງ 7 ກິໂລກຣາມ ເຊິ່ງຖືວ່າເປັນການທຳລາຍສະຖິຕິ ເດັກແລກເກີດທີ່ມີນຳ້ໜັກຫຼາຍທີ່ສຸດໃນໂລກ.

ໂຮງໝໍແຫ່ງດັ່ງກ່າວໄດ້ໃຫ້ສຳພາດວ່າ: ພາຍຫຼັງເດັກເກີດມາທາງທີມແພດໄດ້ທຳການປະເມີນສຸຂະພາບເບື້ອງຕົ້ນເຫັນວ່າເດັກມີພາວະຕົວໃຫຍ່ (Macrosomic) ສ່ຽງຕໍ່ການເກີດພາວະນຳ້ຕານໃນເລືອດຕໍ່າ, ພາວະຕົວເຫຼືອງທີ່ເກີດຈາກການມີສານບິລິຣູບີນຢູ່ໃນເລືອດ ຫຼາຍກວ່າປົກກະຕິ ແລະ ພະຍາດເລືອດຂຸ້ນ (Polycythemia). ດັ່ງນັ້ນ, ທີມແພດຈຶ່ງໄດ້ນຳສົ່ງຕົວເດັກໄປຮັກສາຢູ່ໂຮງໝໍອີກແຫ່ງໜຶ່ງ ເພື່ອຕິດຕາມອາການ. ປັດຈຸບັນ, ອາການຂອງເດັກຍັງຊົງຕົວ ແລະ ທີມແພດຍັງຄົງຕິດຕາມອາການຢ່າງໃກ້ຊິດ.