ສາວໆ ຈຳນວນບໍ່ນ້ອຍມີບັນຫາໃນເລື່ອງສາຍຕາ ບາງຄົນກໍສາຍຕາສັ້ນ ບາງຄົນກໍສາຍຕາຍາວ ແຕ່ກໍບໍ່ສະດວກທີ່ຈະໃຊ້ຄອນແທກເລນ ແຕ່ກໍຢາກຈະແຕ່ງໜ້າ ແຕ່ງດວງຕາຫລັງແວ່ນຕາໃຫ້ງາມ ໂດດເດັ່ນ ບໍ່ພ່າຍແພ້ສາວອື່ນໆ
- ເລີ່ມກັນທີ່ສາວສາຍຕາສັ້ນກ່ອນ ເລນຂອງແວ່ນຕາທີ່ທ່ານສວມໃສ່ ຈະເຮັດໃຫ້ເບິ່ງແລ້ວຄືກັບວ່າຕາຂອງເຈົ້ານ້ອຍກວ່າປົກກະຕິ ກໍລະນີນີ້ ເຈົ້າຄວນຈະປັດມາດຄາລ່າແຕ່ງຂົນຕາໃຫ້ໜາຂຶ້ນ ເພື່ອ ຈະໄດ້ເບິ່ງວ່າດວງຕາມີຂະໜາດປົກກະຕິ ຖ້າຕ້ອງການໃຊ້ ອາຍແຊໂດ ກໍໃຫ້ເລືອກສີສັນສົດໃສແຕ່ຄວນປະສົມສີໃຫ້ເຂົ້າກັນເສຍກ່ອນ ການຂຽນເສັ້ນຂອບຕາ ຫລື ອາຍໄລເນີ ທີ່ເປືອກຕາເທິງກໍຈະຊ່ວຍໃຫ້ເບິ່ງດວງຕາໃຫຍ່ ແລະ ສົດໃສຂຶ້ນ
- ສຳລັບສາວທີ່ມີບັນຫາສາຍຕາຍາວ ເວລາສວມແວ່ນຕາແລ້ວ ຈະເຮັດໃຫ້ເບິ່ງເຫັນວ່າດວງຕາຂອງເຈົ້າໃຫຍ່ກວ່າປົກກະຕິ ເພາະເລນຂອງແວ່ນຕາໄປຂະຫຍາຍດວງຕາ ຖ້າວິທີແຕ່ງໜ້າບໍ່ຮຽບຮ້ອຍ ຈະເຫັນໄດ້ຢ່າງຊັດເຈນ ເຊັ່ນ ປັດມາດຄາລ່າແລ້ວມີເສດຜົງຕິດ ກໍຈະເຫັນໄດ້ແຈ້ງຂຶ້ນດັ່ງນັ້ນ ເວລາແຕ່ງ ຄວນຈະເລືອກສີອາຍແຊໂດອ່ອນ ແລະ ທາໃຫ້ສະໝ່ຳສະເໝີ ຢ່າງຖິ້ມໃຫ້ເຫັນເສດຝຸ່ນ ເສດກ້ອນໃຫ້ເຫັນ