ຕາມສຳນັກຂ່າວໄທລາຍງານໃນວັນທີ 27 ທັນວາ 2023, ເຈົ້າໜ້າທີ່ໄດ້ຮັບແຈ້ງເຫດວ່າມີ ຜູ້ຊາຍຖືກຍິງເສຍຊີວິດ ທີ່ຫ້ອງເຊົ່າແຫ່ງໜຶ່ງ ຢູ່ແຂວງຊົນບຸລີ ປະເທດໄທ.
ຕາມການລາຍງານລະບຸວ່າ: ຜູ້ກໍ່ເຫດເປັນຜູ້ຊາຍ ອາຍຸ 31 ປີ ເປັນພໍ່ຄ້າຂາຍໝາກໄມ້ມີອາການຫຼອນຢາ ຈັບປືນມາຍິງພາຍໃນຫ້ອງເຊົ່າແລ້ວອ້າງວ່າຍິງຂ້າຜີກ່ອນທີ່ຈະເລັງປືນໄປໃສ່ເພື່ອນບ້ານ ແຕ່ໂຊກດີທີ່ປືນຕິດຂັດຍິງບໍ່ອອກ ກ່ອນຍ່າງເຂົ້າໄປຫ້ອງສຸດທ້າຍປືນລັ່ນເຂົ້າເອິກເສຍຊີວິດຄາທີ່ ຢູ່ບໍລິເວນໜ້າປະຕູຫ້ອງ.
ຈາກການສອບສວນຜູ້ດູແລຫ້ອງເຊົ່າກ່າວວ່າ: ກ່ອນເກີດເຫດຜູ້ຕາຍເກີດອາການຫຼອນ ຍິງປືນຂຶ້ນຟ້າ 3 ນັດ ແລ້ວຍ່າງໄປຖາມເພື່ອນບ້ານວ່າ: ໄດ້ລ້ຽງຜີໄວ້ບໍ? ເພາະຂ້າຕາຍໄປແລ້ວ 2 ໂຕ ກ່ອນຈະເລັງປືນໄປຍິງເພື່ອນບ້ານແຕ່ປືນຍິງບໍ່ອອກ ຈາກນັ້ນກໍຍ່າງເຂົ້າໄປຫ້ອງ ແລະ ໄດ້ຍິນສຽງປືນດັງຂຶ້ນ 1 ນັດກ່ອນພົບວ່າໃຊ້ປືນຍິງເຂົ້າໜ້າເອິກຕົນເອງເສຍຊີວິດໃນເວລາຕໍ່ມາ.
ທີ່ມາ: ຂ່າວສົດ