ສຳນັກຂ່າວຕ່າງປະເທດລາຍງານໃນວັນທີ 20 ທັນວາ 2023 ເດັກນ້ອຍ 5 ຄົນໃນລັດເເອລິໂຊນາຂອງສະຫະລັດ ເສຍຊີວິດຈາກ ເຫດໄຟໄໝ້ບ້ານ ໃນຂະນະທີ່ພໍ່ອອກໄປຊື້ເຄື່ອງ ແລະ ຂອງຂວັນວັນຄິດສະມາດ ເຊິ່ງໃຊ້ເວລາ 2 ຊົ່ວໂມງເຄິ່ງ
ຕາມການລາຍງານຂອງເຈົ້າໜ້າທີ່ຕຳຫຼວດລະບຸວ່າ: ເດັກນ້ອຍທີ່ເສຍຊີວິດມີ ອາຍຸ 2 ປີ, 4 ປີ (ຜູ້ຍິງ), 5 ປີ, 11 ປີ ແລະ 13 ປີ ເຊິ່ງເປັນລູກອ້າຍລູກນ້ອງທີ່ມາຢ້ຽມຢາມຢູ່ບ້ານເມື່ອຕອນແລງຂອງວັນເສົາຜ່ານມາ, ແລະ ບໍ່ພົບຜູ້ລອດຊີວິດຈາກເຫດການໄຟໄໝ້ ເຊິ່ງຄາດວ່າເຫດໄຟໄໝ້ເກີດຂຶ້ນທີ່ຫ້ອງໃນຊັ້ນລຸ່ມ.
ຜູ້ເຫັນເຫດການໄດ້ເລົ່າວ່າ: ເພື່ອນບ້ານຕ່າງກໍຊ່ວຍກັນໃຊ້ຂັນໄດ ແລ້ວເອົາສາຍສີດນ້ຳ ເພື່ອພະຍາຍາມດັບໄຟ ແລະ ໄດ້ເປີດປະຕູອອກເພື່ອຂົນສິ່ງຂອງສຳຄັນອອກ ແຕ່ແຫ່ງເຂົ້າໃກ້ປະຕູເທົ່າໃດຄວັນກໍຍິ່ງເຂົ້າມາ ແລະ ເຮັດໃຫ້ທຸກຄົນສະໝັກ, ທັງນີ້ເພື່ອບ້ານໄດ້ກ່າວວ່າ: ຮູ້ຢູ່ແລ້ວວ່າບ້ານຫຼັງນີ້ມີເດັກນ້ອຍອາໄສຢູ່ ແຕ່ບໍ່ຮູ້ວ່າໃນຂະນະເກີດເຫດມີເດັກນ້ອຍຢູ່ໃນບ້ານ ເຊິ່ງຫາກຮູ້ກໍຈະພະຍາຍາມຊ່ວຍເຫຼືອໃຫ້ໄວກວ່ານີ້.
ທັງນີ້ທາງການໄດ້ຕຽມຈັດພິທີໄວ້ອາໄລ ທີ່ສວນສາທະລະນະທ້ອງຖິ່ນ ລວມເຖິງມີການລະດົມທຶນ ເຊິ່ງມີຜູ້ບໍລິຈາກເຖິງ 1.4000 ໂດລາເມື່ອວັນຄານເພື່ອຊ່ວຍຄອບຄົວສຳລັບຄ່າຍໃຊ້ຈ່າຍໃນການເຮັດພິທີ.
ຝາກເຕືອນຜູ້ປົກຄອງບໍ່ຄວນປະລູກໄວ້ໃນເຮືອນ ອາດຈະຝາກເພື່ອນບ້ານ ຫຼື ພີ່ນ້ອງ ບໍ່ດັ່ງນັ້ນອາດຈະເກີດເຫດດັ່ງຂ່າວນີ້ ຫຼື ເຫດການອື່ນຕາມມາ ດັ່ງງນັ້ນຜູ້ປົກຄອງຄວນຢູ່ໃກ້ຊິດເດັກນ້ອຍຕະຫຼອດເວລາ.