ໃນຊ່ວງອາທິດທີ່ຜ່ານມາ ສື່ສັງຄົມອອນລາຍໃນຈີນໄດ້ແບ່ງປັນເລື່ອງລາວຂອງຊາຍຜູ້ໜຶ່ງ ທີ່ເປັນພິການ ແລະ ບໍ່ໄດ້ລວຍ ແຕ່ເຂົາມີນ້ຳໃຈສຸດໆ ຊາຍຄົນດັ່ງກ່າວມີຊື່ວ່າ: ທ້າວ ຫູເລີ່ຍ ເຂົາໄດ້ບໍລິຈາກເງິນຊ່ວຍເຫຼືອນັກຮຽນເປັນເວລາດົນນານກວ່າ 15 ປີ ລວມເປັນເງິນ 1 ລ້ານຢວນ ຫຼື ປະມານ 3 ຕື້ກວ່າກີບນອກຈາກນີ້ຍັງຊື້ກະເປົ໋ານັກຮຽນກວ່າ 20,000 ໜ່ວຍ ເຊິ່ງເງິນເຫຼ່ານີ້ເປັນລາຍໄດ້ຈາກການເກັບກະຕຸກນ້ຳຕາມຫົນທາງຂາຍ.
ຕາມການລາຍງານ ທ້າວ ຫູເລີ່ຍ ເປັນໂຣກໂປລີໂອ ຕັ້ງແຕ່ຍັງນ້ອຍ ຈຶ່ງຕ້ອງໃຊ້ຫົວເຂົ່າໃນການຍ່າງ ເຂົາຖືກລ້ຽງດູໂດຍປູ່-ຍ່າ ເນື່ອງຈາກພໍ່ເສຍຊີວິດຈາກອຸບັດຕິເຫດ ສ່ວນແມ່ຂອງເຂົາກໍແຕ່ງງານໃໝ່ຫຼັງຈາກທີ່ເປັນຮ້າງ.
ທ້າວ ຫູເລີ່ຍເຂົ້າໃຈວ່າຕົນເອງນັ້ນບໍຢາກເປັນພາລະຂອງສັງຄົມຕັ້ງແຕ່ອາຍຸຍັງນ້ອຍ ຈຶ່ງເລີ່ມຫາທາງຊ່ວຍເຫຼືອຕົນເອງດ້ວຍການເກັບຕຸກນ້ຳຂາຍ ຫຼັງຈາກນັ້ນກໍຍຶດເປັນອາຊີບສາມາດຂາຍໄດ້ເງິນມື້ລະເກືອບແສນກີບ ແລະ ເລີ່ນເປັນທີ່ຮູ້ຈັກຂອງຄົນແຖວນັ້ນ ເພາະຄວາມພະຍາຍາມສູ້ຊີວິດຂອງຕົນເອງ.
ເນື່ອງຈາກໄດ້ຮັບການຊ່ວຍເຫຼືອຈາກຜູ້ອື່ນຕະຫຼອດ ທ້າວ ຫູເລີ່ຍ ຈຶ່ງຢາກຕອບແທນສັງຄົມດ້ວຍກັານເຮັດຄວາມດີ ເຂົາບໍລີຈາກເງິນຊ່ວຍອົງການກຸສົນຫຼາຍແຫ່ງ ຍົກຕົວຍ່າງໃນວັນທີ 14 ເມສາ 2010 ຜ່ານມາ, ເກີດເຫດແຜ່ນດິນໄຫວທີ່ເມືອງຊິງໄຫ່ ເຂົາໄດ້ບໍລິຈາກເງິນ 100 ຢວນ ຫຼື ປະມານ 300,000 ກີບ ໃນທັນທີ ເຖິງວ່າມັນຈະເປັນເງິນຈຳນວນທີ່ບໍ່ຫຼາຍແຕ່ສຳລັບເຂົາ ຕ້ອງແລກມາດ້ວຍຄວາມພະຍາຍາມໃນການຊອກໃນຖັງຂີ້ເຫຍື້ອເພື່ອຫາຕຸກນ້ຳ.
ທີ່ມາ: mothership