ໃນວັນທີ 19 ທັນວາ 2023 ສຳນັກຂ່າວຕ່າງປະເທດລາຍງານເກີດເຫດແຜ່ນດິນໄຫວ ຄວາມຮຸນແຮງຂະນາດ 6.2 ຣິກເຕີໃນເຂດການຊູ່ ທາງພາກຕາເວັນຕົກສຽງເໜືອ ປະເທດຈີນ ເຮັດໃຫ້ອາຄານບ້ານເຮືອນເປາເພເສຍຫາຍເປັນຈຳນວນຫຼາຍ ແລະ ພົບຜູ້ເສຍຊີວິດຢ່າງນ້ອຍ 116 ຄົນ ແລະ ບາດເຈັບອີກ 220 ຄົນ,  ເຊິ່ງບໍ່ເທົ່າໃດຊົ່ວໂມງຕໍ່ມາກໍເກີດແຜ່ນດິນໄຫວອີກຮອບ ຄວາມຮຸນແຮງ 5.5 ຣິກເຕີ ຢູ່ທີ່ເຂດຊິນຈຽງ.

ທາງດ້ານ ທ່ານ ສີ ຈິ້ນຜິງ ປະທານາທິບໍດີຂອງຈີນ ໄດ້ອອກຄຳສັ່ງໃຫ້ເຈົ້າໜ້າທີ່ກູ້ໄພພະຍາຍາມຄົ້ນຫາຄົນທີ່ຢູ່ພາຍໃນຊາກອາຄານຢ່າງສຸດຄວາມສາມາດ, ທາງດ້ານເຈົ້າໜ້າທີ່ກູ້ໄພຫຼາຍພັນຄົນກຳລັງເລັ່ງຄົ້ນຫາ ແລະ ໃຫ້ຄວາມຊ່ວຍເຫຼືອ ຜູ້ປະສົບເຫດແຜ່ນດິນໄຫວ ທີ່ເຂດການຊູ່ ທ່າມກາງອາກາດທີ່ໜາວຢ່າງເຕັມທີ່.

ທີ່ມາ: ໄທລັດ