Homeຂ່າວພາຍ​ໃນຄວາມຄືບໜ້າໂຄງການກໍ່ສ້າງ ໂຮງແຮມ ລາດຊະວົງ ພລາຊາ

ຄວາມຄືບໜ້າໂຄງການກໍ່ສ້າງ ໂຮງແຮມ ລາດຊະວົງ ພລາຊາ

Published on

ວັນທີ 13 ທັນວາ 2023 ນີ້, ສະຫາຍ ພັນເອກ ໄຊສົງຄາມ ວໍລະຈິດ ຮອງຫົວໜ້າກົມເສດຖະກິດ ພ້ອມດ້ວຍຄະນະ ເຄື່ອນໄຫວຢ້ຽມຊົມ ແລະ ຕິດຕາມ ຄວາມຄືບໜ້າ ການກໍ່ສ້າງໂຄງການ ລາດສະວົງ ພລາຊາ, ເຊິ່ງຄວາມຄືບໜ້າ ຂອງໂຄງການກໍ່ສ້າງຕຶກ ລາດຊະວົງ ພລາຊາເຊິ່ງ ທາງບໍລິສັດ ໄດ້ນຳໃຊ້ແຮງງານ ແລະ ວິຊາການ ທັງໝົດ 1.200 ຄົນ, ມາຮອດປັດຈຸບັນ ການກໍ່ສ້າງຂອງໂຄງການ ແມ່ນສຳເລັດແລ້ວ 77,39%, ການຕິດຕັ້ງຝາແກ້ວສໍາເລັດ 0,4%, ສໍາເລັດການຕິດຕັ້ງໂຄງເຄົ້າເພດານຂອງຫ້ອງພັກໂຮງແຮມລວມ 27 ຊັ້ນ, ຕົບແຕ່ງພາຍໃນ ຊັ້ນ 1 ຈົນເຖິງ ຊັ້ນ 33 ສໍາເລັດແລ້ວ 84,9%, ສຳເລັດການຕົບແຕ່ງຫ້ອງຕົວຢ່າງ ແລະ ການຕິດຕັ້ງທໍ່ໃນພື້ນທີ່ສາທາລະນະຂອງຫ້ອງທີ່ບໍ່ແມ່ນແບບຈໍາລອງ.

ຄາດວ່າໂຮງແຮມ ຈະເປີດໃຫ້ທົດລອງ ໃນທ້າຍເດືອນມັງກອນ 2024 ນີ້ ເພື່ອຕ້ອນຮັບ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ຈະເປີດໃຫ້ບໍລິການຖາວອນ ໃນຕົ້ນ ເດືອນມີນາ 2024, ເພື່ອກະກຽມຄວາມພ້ອມຮັບໃຊ້ກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບຈະຈັດຂຶ້ນ ໃນທ້າຍປີ 2024.

ໂອກາດນີ້, ບັນດາຜູ້ຕາງໜ້າແຕ່ລະພາກສ່ວນ ກໍໄດ້ເຂົ້າຢ້ຽມຊົມ ແລະ ຕິດຕາມຄວາມຄືບໜ້າຂອງໂຄງການ ບໍລິສັດ ຮັບເໝົາ ແລະ ທີມງານກໍ່ສ້າງໂຄງການ, ພ້ອມທັງໄດ້ແນະນໍາໃຫ້ ບໍລິສັດ ທີ່ຮັບເໝົາ ສືບຕໍ່ປະຕິບັດການກໍ່ສ້າງ ໃຫ້ສຳເລັດຕາມແຜນການ ແລະ ທັນກັບເວລາທີ່ກໍານົດໄວ້.
ທີ່ມາ: ໜັງສືພິມກອງທັບປະຊາຊົນລາວ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...