ສຳນັກຂ່າວຕ່າງປະເທດລາຍງານ ໃນວັນທີ 8 ທັນວາ 2023, ເປັນເລື່ອງລາວຂອງບ່າວ-ສາວຄູ່ໜື່ງ ກຳລັງຈັດງານແຕ່ງງານທີ່ເມືອງເຫີເຈີ ເຂດຊານຕົງ ປະເທດຈີນ ແຕ່ທຸກຄົນຕ້ອງແລ່ນໜີເມື່ອມີຄົນດຶກລະເບີດຄວັນເຂົ້າໃນງານ ເຮັດໃຫ້ແຂກແລ່ນໜີກັນເກືອບໝົດ.
ຕາມການລາຍງານ: ຄົນທີ່ດຶກລະເບິດຄວັນເຂົ້າໄປໃນງານເປັນໝູ່ເຈົ້າບ່າວ ເຊິ່ງໃນພິທີທາງເຈົ້າບ່າວຈະຕ້ອງຍ່າງນຳຂະບວນເພ ່ອໄປຫາເຈົ້າສາວທີ່ນັ່ງຖ້າຢູ່ພາຍໃນຫ້ອງ ແຕ່ກ່ອນທີ່ຈະຮອດຫ້ອງຕ້ອງໄດ້ຜ່ານໝູ່ເຈົ້າສາວກ່ອນ ເຊິ່ງທາງໝູ່ເຈົ້າສາວໄດ້ຂັດຂວາງບໍ່ໃຫ້ເຈົ້າບ່າວໄປຮັບຕົວເຈົ້າສາວງ່າຍໆ ພ້ອມຂໍຊອງແຕ່ງງານເພີ່ມຂຶ້ນ ຈຶ່ງເປັນສາເຫດເຮັດໃຫ້ໝູ່ເຈົ້າບ່າວໝົດຄວາມອົດມທົນ ຈຶ່ງໄດ້ດຶກລະເບີດຄວັນເຂົ້າໄປໃນຫ້ອງ 2 ລູກ ເຮັດໃຫ້ໝູ່ເຈົ້າສາວຕ້ອງພາກັນແລ່ນໜີທັນທີ ແລ້ວເຈົ້ສບ່າວກໍໄດ້ເຂົ້າໄປຫ້ອງ ແລະ ພາເຈົ້າສາວອອກມາ.
ເລື່ອງລາວທີ່ເກີດຂຶ້ນຄັ້ງນີ້ໄດ້ຖືກຄົນເວົ້າເຖິງຢ່າງຫຼວງຫຼາຍ ບາງຄົນກໍບອກວ່າເພື່ອນເຈົ້າບ່າວບໍ່ເໝາະສົມ ແລະ ຍັງທຳລາຍບັນຍາກາດອີກດ້ວຍ ໃນຂະນະທີ່ອີກຝັ່ງກໍບອກວ່າໝູ່ເຈົ້າສາວຍືດເວລາຫຼາຍເກີນໄປ ເພາະພວກເຂົາມີແຕ່ຂໍຊອງເງິນ ຈຶ່ງເຮັດໃຫ້ໝູ່ເຈົ້າບ່າວໝົດຄວາມອົດທົນ.