spot_img
Homeຂ່າວຄາດຕະກຳອັບເດດກໍລະນີປັນມູນບໍ່ລົງຕົວເລີຍໃຊ້ພ້າຂໍຟັນ ອ້າຍ ແລະ ເອື້ອຍໃພ້ ເສຍຊີວິດຄາທີ່

ອັບເດດກໍລະນີປັນມູນບໍ່ລົງຕົວເລີຍໃຊ້ພ້າຂໍຟັນ ອ້າຍ ແລະ ເອື້ອຍໃພ້ ເສຍຊີວິດຄາທີ່

Published on

ນ້ອງຊາຍຮ່ວມສາຍເລືອດດຽວກັນໃຊ້ພ້າຂໍ ຄາຕະກຳອ້າຍຂອງຕົນເອງ ດ້ວຍການຟັນເຂົ້າຄໍ ແລະ ຫົວຈໍານວນຫຼາຍບາດ ກ່ອນໃຊ້ພ້າດວງດັ່ງກ່າວໄລ່ຟັນເອື້ອຍໄພ້ ເຮັດໃຫ້ທັງສອງເສຍຊີວິດຄາທີ່ ແລ້ວເອົາຕົວລົບໜີຈາກສະຖານທີ່ເກີດເຫດ.

ເຫດຄາຕະກໍາດັ່ງກ່າວເກີດຂຶ້ນໃນເວລາປະມານ 12-13 ໂມງຂອງວັນທີ 11 ທັນວາ 2023 ຢູ່ ບ້ານ ນໍ້າຍິງ ເມືອງລ້ອງຊານ ແຂວງໄຊສົມບູນ ຜູ້ເສຍຊີວິດ 2 ຄົນຊື່ ທ້າວ ລໍຫົວວ່າງ ອາຍຸ 37 ປີ ແລະ ນາງ ທ່າວຢ່າງ ອາຍຸ 30 ປີ (ທັງສອງເປັນຜົວ-ເມຍກັນ), ສ່ວນຜູ້ກໍ່ເຫດຊື່ທ້າວ ໄຊຫວ່າງ ອາຍຸ 26 ປີ ເປັນນ້ອງຊາຍຂອງຜູ້ເສຍຊີວິດ ເຊິ່ງທັງ 3 ເປັນປະຊາຊົນຢູ່ ບ້ານ ນ້ຳຍິງ ເມືອງລ້ອງຊານ ແຂວງໄຊສົມບູນ.

ສາເຫດທີ່ພາໃຫ້ທ້າວ ໄຊຫວ່າງ ກໍ່ເຫດລົງມືຄາຕະກຳອ້າຍໃນຄັ້ງນີ້ ຍ້ອນທັງສອງຜິດຖຽງກັນເລື່ອງແບ່ງປັນມູນມໍລະດົກ ໂດຍສະເພາະແມ່ນທີ່ດິນເຮືອນ ແລະ ທີ່ດີນສວນຢາງພາລາ ທີ່ພໍ່ແມ່ປະໄວ້ໃຫ້ບໍ່ລົງຕົວ.

ປັດຈຸບັນ, ເຈົ້າໜ້າທີ່ວິຊາສະເພາະ ປກສ ແຂວງໄຊສົມບູນ ກຳລັງເລັ່ງສືບສວນ-ສອບສວນ ນຳຈັບຕົວຜູ້ກໍ່ເຫດມາດໍາເນີນຄະດີຕາມ ກົດໝາຍ.

ແຫຼ່ງຂ່າວ ປກສ ແຂວງໄຊສົມບູນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...