spot_img
Homeຂ່າວພາຍ​ໃນປັບປຸງຖານທີ່ໝັ້ນການປະຕິວັດລາວໃຕ້ໃຫ້ກາຍເປັນບ່ອນສຶກສາຮຽນຮູ້ປະຫວັດສາດ

ປັບປຸງຖານທີ່ໝັ້ນການປະຕິວັດລາວໃຕ້ໃຫ້ກາຍເປັນບ່ອນສຶກສາຮຽນຮູ້ປະຫວັດສາດ

Published on

ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ແລະ ທ່ານ ເພັງນາ ຈັນທະພອນ ເຈົ້າເມືອງດາກຈຶງ ແລະ ຂະແໜງການກ່ຽວຂ້ອງ ໄດ້ລົງສຳຫຼວດຖານທີ່ໝັ້ນການປະຕິວັດລາວໃຕ້ ໃນວັນທີ 7 ທັນວາ 2023 ນີ້, ເຊິ່ງພະນັກງານປະຕິວັດຮຸ່ນກ່ອນ ໄດ້ອາໄສເປັນບ່ອນເຄື່ອນໄຫວກໍ່ສ້າງຮາກຖານການເມືອງ ແລະ ນຳພາຂະບວນການຕໍ່ສູ້ຢູ່ພາກໃຕ້ຂອງລາວ ຕ້ານສັດຕູຮຸກຮານໃນຊຸມປີ 1946-1947 ໂດຍມີປະທານ ຄຳໄຕ ສີພັນດອນ ອາດີດປະທານພັກ, ອາດີດປະທານປະເທດແຫ່ງ ສປປ ລາວ ເປັນຜູ້ບັນຊາ ເພື່ອສະເຫລີມສະຫຼອງວັນຄ້າຍວັນເກີດປະທານ ຄໍາໄຕ ສີພັນດອນ ຄົບຮອບ 100 ປີ ໃນວັນທີ 8 ກຸມພາ 2024 ທີ່ຈະມາເຖິງນີ້.

ທ່ານ ເຫຼັກໄຫຼ ສີວິໄລ ໄດ້ກ່າວວ່າ: ຖານທີ່ໝັ້ນການປະຕິວັດລາວໃຕ້ ແມ່ນຕັ້ງຢູ່ເຂດບ້ານດາກປໍາ-ບ້ານດາກຊວງ ເມືອງດາກຈຶງ ແຂວງເຊກອງ ຫ່າງຈາກເທສະບານເມືອງປະມານ 4 ກິໂລແມັດ, ຊຶ່ງການລົງສໍາຫຼວດຄັ້ງນີ້ ຈຸດປະສົງກໍເພື່ອກໍານົດເຂດພື້ນທີ່, ສ້າງສິ່ງອໍານວຍຄວາມສະດວກ, ສ້າງເຮືອນຢູ່ຈໍາລອງຂອງປະທານ ຄໍາໄຕ ສີພັນດອນ, ສ້າງເຮືອນຢູ່ຈໍາລອງຂອງທະຫານລາວ-ທະຫານຫວຽດນາມ ແລະ ອື່ນໆ ທີ່ຕິດພັນກັບການໃຊ້ຊີວິດປະຈໍາວັນຂອງເພິ່ນໃນເວລານັ້ນ ໃຫ້ກາຍເປັນບ່ອນສຶກສາຮຽນຮູ້ປະຫວັດສາດ ແລະ ເປັນບ່ອນສຶກສາອົບຮົມມູນເຊື້ອປະຕິວັດ ໃຫ້ເຍົາວະຊົນ-ຄົນຮຸ່ນໃໝ່, ທັງເປັນສະຖານທີ່ທ່ອງທ່ຽວທາງປະຫວັດສາດ ເພື່ອແນໃສ່ໃຫ້ຜູ້ມາສຳຜັດໄດ້ສຶກສານ້ຳໃຈເສຍສະຫຼະ, ພິລະອາດຫານ, ຄວາມເດັດດ່ຽວໜຽວແໜ້ນຂອງພະນັກງານ ແລະ ນັກຮົບຮຸ່ນກ່ອນ.

ໂຄງການບູລະນະ, ປັບປຸງຟື້ນຟູ ແລະ ກໍ່ສ້າງເຮືອນຈໍາລອງຢູ່ຖານທີ່ໝັ້ນການປະຕິວັດລາວໃຕ້ ຢູ່ເຂດບ້ານດາກປໍາ-ດາກຊວງ ເມືອງດາກຈຶງ ເປັນໂຄງການທີ່ມີຄວາມໝາຍສໍາຄັນ. ສະນັ້ນ, ຂະແໜງການກ່ຽວຂ້ອງທຸກຂັ້ນຕ້ອງສືບຕໍ່ໂຄສະນາ, ສຶກສາອົບຮົມການເມືອງ-ນໍາພາແນວຄິດ, ອະທິບາຍຊີ້ແຈງດ້ວຍເຫດດ້ວຍຜົນ ໃຫ້ປະຊາຊົນມີຄວາມຮັບຮູ້, ເຂົ້າໃຈ, ຮ່ວມມື ແລະ ມີສ່ວນຮ່ວມ ຈັດຕັ້ງປະຕິບັດກິດຈະກໍາຕ່າງໆຂອງໂຄງການ ໃຫ້ສໍາເລັດຕາມແຜນການທີ່ວາງໄວ້. ທັງນີ້ ກໍເພື່ອໃຫ້ສະຖານທີ່ດັ່ງກ່າວ ກາຍເປັນບ່ອນຮຽນຮູ້ປະຫວັດສາດ, ເປັນແຫຼ່ງທ່ອງທ່ຽວທາງປະຫວັດສາດ ທີ່ສາມາດດຶງດູດນັກທ່ອງທ່ຽວເຂົ້າທ່ຽວເມືອງດາກຈຶງ ກໍຄືແຂວງເຊກອງ ໃຫ້ຫຼາຍຂຶ້ນໃນອະນາຄົດ.

ທີ່ມາ: ປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...