ໃນເວລາ 9 ໂມງ 00 ນາທີຂອງວັນທີ 24 ພະຈິກ 2023ຜ່ານມາ ໄດ້ເກີດອຸບັດຕິເຫດ ລົດເກັບມັນຕົ້ນປີ້ນເອງ ເຮັດໃຫ້ຄົນຂັບລົດເສຍຊີວິດຄາທີ່, ເຫດແມ່ນເກີດຂຶ້ນຢູ່ເຂດຫ້ວຍສະໝື່ນ ຂອບເຂດບ້ານມ່ວງໃຕ້ ເມືອງປາກລາຍ ແຂວງໄຊຍະບູລີ.
ເບື້ອງຕົ້ນຜູ້ເສຍຊີວິດ ຊື່ທ້າວ ບັດ ແກ້ວສະຫັວດ ອາຍຸ 49 ປີ ອາຊີບ ປະຊາຊົນ ບ້ານມ່ວງເໜືອ ເມືອງປາກລາຍ ແຂວງໄຊຍະບູລີ ໄດ້ຂັບລົດເກັບມັນຕົ້ນຂອງຕົນເອງຕ່າງສອບລຳມັນຕົ້ນພ້ອມດ້ວຍຄົນຂີ່ມານຳຈຳນວນ 5 ຄົນ ເພື່ອໄປຮັບຈ້າງປູກມັນຕົ້ນສວນຂອງພີ່ນ້ອງຄົນບ້ານດຽວກັນ ຢູ່ເຂດຫ້ວຍສະໝື່ນ ບ້ານມ່ວງໃຕ້ ເມືອງປາກລາຍ ແຂວງໄຊຍະບູລີ,
ພໍໄປຮອດຈຸດເກີດເຫດຜູ້ກ່ຽວໄດ້ຂັບລົດສິ້ງ ໄປຕາມແລວທາງຂຶ້ນສວນ ທີ່ໄຖແລ້ວເປັນທາງຄ້ອຍຊັນ, ຜູ່ຂັບລົດໄດ້ພະຍາຍາມຂັບລົດປີນຂຶ້ນທາງພູຄ້ອຍຊັນຫຼາຍຄັ້ງ ຫຼັງຈາກນັ້ນຄົນທີ່ຂີ່ມານຳໄດ້ລົງອອກຈາກລົດຍັງເຫຼືອແຕ່ຄົນຂັບລົດ ເຊິ່ງຜູ້ກ່ຽວໄດ້ພະຍາຍາມບັງຄັບລົດໃຫ້ຂຶ້ນທາງພູຄ້ອຍຊັນ, ຕໍ່ມາຈຶ່ງເຮັດໃຫ້ລົດໄດ້ປີ້ນຍົກລໍ້ ທັບຄົນຂັບເສຍຊີວິດຄາທີ່ .
ແຫຼ່ງຂ່າວ : ປກສ ແຂວງໄຊຍະບູລີ.