“The Signal – ສັນຍານ” ຄົນເຂົ້າເບິ່ງທະລຸຍອດເກືອບ 200,000,000 ກີບແລ້ວ.

ໃນວັນທີ 23 ພະຈິກ ທີ່ຜ່ານມາ The Signal ໄດ້ເຂົ້າສາຍທຸກໂຮງຮູບເງົາລາວ ໂດຍຮູບເງົາເລື່ອງນີ້ເປັນອີກຜົນງານການສ້າງຂອງຄົນລາວທີ່ມີຄຸນນະພາບອີກເລື່ອງໜຶ່ງກໍວ່າໄດ້ ແລະ ຍັງໄດ້ຮັບການກາລັນຕີຈາກ The Hollywood Reporter ວ່າ “The Signal” ເປັນ 1 ໃນ 5 ຂອງໜັງທີ່ຄວນເບິ່ງໃນງານ Shanghai Film Festival ອີກດ້ວຍ.

ນອກນີ້ ຈາກການອັບເດດຂໍ້ມູນໃນວັນທີ 28 ພະຈິກ 2023 ຮູບເງົາເລື່ອງນີ້ໄດ້ຮັບລາຍໄດ້ຈາກການເຂົ້າຊົມແລ້ວ ເກືອບ 200,000,000 ກີບໃນອາທິດທີ 2.

ສຳລັບ “The Signal” ແມ່ນຮູບເງົາທີ່ຕິດຕາມການເດີນທາງຂອງເດັກຍິງຄົນໜຶ່ງ ເຊິ່ງເດີນທາງເຂົ້າໄປໃນເມືອງເພື່ອຊອກຫາພໍ່ຂອງລາວ, ໃນຂະນະນັ້ນ ກໍໄດ້ໄປຮູ້ຄວາມລັບຂອງຄອບຄົວໜຶ່ງທີ່ເປັນຕາຢ້ານ.

ສ່ວນເນື້ອໃນຂອງເລື່ອງຈະດຳເນີນໄປແນວນັ້ນ ຂໍເຊີນຊວນໃຫ້ທຸກທ່ານເຂົ້າຊົມຜົນງານລາວທີ່ມີຄຸນະພາບນີ້ໄດ້ທີ່ໂຮງຮູບເງົາລາວທົ່ວປະເທດ.