ຂ່າວສະເທືອນວົງການເງິນດິຈິຕອນ ຫຼື ຄລິບໂຕ ເພາະ Binance ບໍລິສັດແລກປ່ຽນສະກຸນເງິນດິຈິຕອລທີ່ໃຫຍ່ທີ່ສຸດໃນໂລກ ໂດຍ Changpeng Zhao ຜູ້ບໍລິຫານ (CEO) ຂອງບໍລິສັດຮັບສາລະພາບໃນຂໍ້ຫາເລື່ອງການຟອກເງິນ.
ຈາກການລະເມີດໃນກົດໝາຍຂໍ້ນີ້ ເຮັດໃຫ້ Binance ຕ້ອງເສຍຄ່າປັບໃໝເປັນຈຳນວນ 4,3 ພັນລ້ານໂດລາສະຫະລັດ ໃຫ້ແກ່ກະຊວງການເງິນຂອງສະຫະລັດອາເມຣິກາ.
ລັດຖະມົນຕີກະຊວງການເງິນໄດ້ກ່າວວ່າ: Binance ມີຄວາມຜິດໃນການລະເມີດກົດໝາຍຕໍ່ຕ້ານການຟອກເງິນ ແລະ ລະເມີດຕໍ່ມາດຕະການຂວ້ຳບາດຂອງສະຫະລັດຢ່າງຕໍ່ເນື່ອງ ແລະ ຮ້າຍແຮງ ເຊິ່ງທາງບໍລິສັດຈະຖືກກວດສອບ ຜ່ານການກວດລະບົບທຸລະກຳການເງິນ ແລະ ການບັນຊີຂອງບໍລິສັດ ເພື່ອໃຫ້ໝັ້ນໃຈວ່າທຸກຢ່າງສອດຄ່ອງກັບກົດລະບຽບຂອງລັດຖະບານກາງ.
ໃນຕອນນີ້ ບໍລິສັດກໍໄດ້ແຕ່ງຕັ້ງຜູ້ບໍລິຫານ (CEO) ຄົນໃໝ່ຊື່ວ່າ Richard Teng ອະດີດພະນັກງານທະນາຄານສິງກະໂປ ແລະ ມີປະສົບການເຮັດວຽກຮ່ວມກັບໜ່ວຍກຳກັບດູແລທາງການເງິນມາຫຼາຍບ່ອນ ສ່ວນ Changpeng Zhao ເຖິງວ່າຈະລາອອກຈາກຕຳແໜ່ງ (CEO) ແຕ່ກໍຍັງເປັນຜູ້ຖືກຫຸ້ນຂອງບໍລິສັດ ແລະ ສາມາດເປັນທີ່ປຶກສາໃຫ້ແກ່ບໍລິສັດໄດ້ຄືເກົ່າ.
ທີ່ມາ Aljazeera