ໃນວັນທີ 22 ພະຈິກ 2023 ຣອຍເຕີ ໄດ້ລາຍງານວ່າ ໃນລະຫວ່າງການຢ້ຽມຢາມປະເທດອັງກິດ, ລາຊາ ຊາລສ໌ ທີ 3 ແຫ່ງສະຫາລາຊະອານາຈັກອັງກິດ ມອບຫຼຽນກຽດຕິຄຸນ (Member of the Order of the British Empire) ໃຫ້ແກ່ ສະມາຊິກຂອງວົງ BLACKPINK ໂດຍມີທ່ານ ຢຸນຊັອກຢອລ ປະທານາທິບໍດີຂອງເກົາຫຼີໃຕ້ຮ່ວມໃນພິທີ.
ໂດຍ ລາຊາ ຊາລສ໌ ທີ 3 ມອບຫຼຽນກຽດຕິຄຸນໃຫ້ກັບ ສະມາຊິກ BLACKPINK ທັັງໝົດ 4 ຄົນ ໄດ້ແກ່ ໂລເຊ່ ຈີຊູ ເຈນນີ່ ແລະ ລີຊ່າ ເພື່ອຍ້ອງຍໍບົດບາດໃນຖານະຜູ້ສະໜັບສະໜູນ COP26 ສຳລັບກອງປະຊຸມສຸດຍອດສະພາບພູມິອາກາດຂອງ ສະຫະປະຊາຊາດ ທີ່ຈັດຂຶ້ນຢູ່ເມືອງກລາສໂກ ໃນປີ 2021.
ທັ້ງນີ້ BLACKPINK ເປັນວົງນັກຮ້ອງທີ່ມີຊື່ສຽງໂດ່ງດັງຂອງເກົາຫຼີໃຕ້ ສາວໆໄດ້ສ້າງປະຫວັດສາດໃນເດືອນກໍລະກົດ ໂດຍກາຍເປັນກຸ່ມ K-POP ກຸ່ມທຳອິດທີ່ຢູ່ໃນຫົວຂ່າວໃນເທສະການດົນຕີທີ່ສຳຄັນຂອງອັງກິດ ແລະ ຂຶ້ນເວທີໃນເທສະການລະດູຮ້ອນ BST Hyde Park ທີ່ໃຈກາງເມືອງລອນດອນ ຕໍ່ໜ້າຜູ້ຊົມຫຼາຍກວ່າ 65.000 ຄົນ ຈົນຂາຍບັດໝົດກ້ຽງ.
