ແຂວງຊຽງຂວາງ ແຈ້ງການເພື່ອສະເຫຼີມສະຫຼອງບຸນກິນຈຽງ (ນໍ່ເປ້ເຈົາ) ຂອງຊົນເຜົ່າມົ້ງ ປະຈຳປີ 2023-2024 ເຊິ່ງງານຈະເລີມສະຫຼອງຕັ້ງແຕ່ວັນທີ 10, 11, 12, 13 ມັງກອນ 2024 ທີ່ຈະມາເຖິງນີ້.
ທັ້ງນີ້ ບຸນກິນຈຽງ ເປັນຮີດຄອງປະເພນີອັນດີງາມຂອງຊົນເຜົ່າມົ້ງມາແຕ່ດົນນານ ໂດຍມີວັດທະນະທຳອັດໂດດເດັ່ນ ເຊັ່ນ ກິດຈະກໍາພິທີກໍາຂອງບຸນ, ການນຸ່ງຖືການຫຼີ້ນບຸນກິນຈຽງ ເຊິ່ງຈະໃຫ້ນຸ່ງຖືກຕາມເອກະລັກ-ວັດທະນະທໍາອັນດີງາມຂອງເຜົ່າ ແລະ ມີຄວາມງາມຕາກັບສັງຄົມ, ການຂັບລໍາ, ການສະແດງສີລະປະວັນນະຄະດີໃຫ້ມີເນື້ອໃນຄວາມໝາຍສອດຄ່ອງ ຕາມຮີດຄອງປະເພນີຂອງຊາດ-ຂອງຊົນເຜົ່າ.
ສຳລັບການສະເຫຼີມສະຫຼອງບຸນກິນຈຽງ (ນໍ່ເປ້ເຈົາ) ຢູ່ແຕ່ລະເມືອງ ຖ້າມີການຈັດງານເທດສະການແມ່ນຕ້ອງສະເໜີ ໃຫ້ອໍານາດການປົກຄອງທ້ອງຖີ່ນເປັນຜູ້ຕົກລົງອະນຸມັດ ແລະ ອະນຸຍາດໃຫ້ຈັດພຽງຈຸດດຽວເທົ່ານັ້ນ.
