ທ່ານ ບົນໂຈມ ອຸບົນປະເສີດ ລັດຖະມົນຕີຊ່ວຍວ່າການກະຊວງການເງິນ ໄດ້ໃຫ້ຮູ້ໃນກອງປະຊຸມສ່ວຍສາອາກອນທົ່ວ

ປະເທດ ເມື່ອບໍ່ດົນນີ້ວ່າ: ການເກັບລາຍຮັບສ່ວຍສາອາກອນເຂົ້າງົບປະມານ ໃນສົກປີ 2013-2014 ນີ້, ເຖິງວ່າຕົວເລກ

ລາຍຮັບລວມ ຈະໄດ້ລື່ນສົກປີຜ່ານມາກໍຕາມ, ແຕ່ທຽບໃສ່ແຜນການປີວາງໄວ້ ບັນລຸໄດ້ພຽງ 89%, ເຊິ່ງການບໍ່ບັນລຸ

ແຜນທີ່ລັດກຳນົດໄວ້ນັ້ນ, ແມ່ນເກີດມາຈາກຫລາຍປັດໄຈເຊັ່ນ: ກົດໝາຍກ່ຽວຂ້ອງທີ່ນຳໃຊ້ໃນປັດຈຸບັນແມ່ນຍັງບໍ່

ທັນຮັດກຸມ ແລະ ສອດຄ່ອງ, ເຮັດໃຫ້ນັກລົງທຶນສວຍໃຊ້ໄປທາງທີ່ບໍ່ດີ, ຍັງມີຫລາຍຫົວໜ່ວຍການຜະລິດທຸລະກິດບໍ່

ມາແຈ້ງອາກອນ, ລາຍຮັບອາກອນສ່ວນໃຫຍ່ແມ່ນໄດ້ຈາກທຸລະກິດຂະໜາດນ້ອຍ ແລະ ກາງ, ແຕ່ໂຄງການຂະໜາດ

ໃຫຍ່ທີ່ມີມູນຄ່າສູງ ເປັນຕົ້ນ:ໂຄງການສ້າງເຂື່ອນ, ກໍ່ສ້າງຕາຂ່າຍໄຟຟ້າ, ເສັ້ນທາງ, ຂົວ ແລະ ອື່ນໆ ຍັງມີການຮົ່ວໄຫລ,

ມີການຍົກເວັ້ນ ແລະ ບໍ່ສາມາດເກັບໄດ້ ຍ້ອນພະນັກງານວິຊາການຈຳນວນໜຶ່ງມີຄວາມອ່ອນແອ ແລະ ບໍ່ກ້າທີ່ຈະເຂົ້າ

ໄປປະສານງານພົວພັນກັບພາກສ່ວນຜູ້ປະກອບການ ຫົວໜ່ວຍທຸລະກິດຂະໜາດໃຫຍ່.

ຂະນະດຽວກັນສິນຄ້າປະເພດຟູມເຟືອຍເຊັ່ນ: ເຫລົ້າ, ເບຍ, ຢາສູບ, ການນຳໃຊ້ໂທລະສັບ ຍັງບໍ່ສາມາດນຳໃຊ້ຕົວເລກ

ອາກອນແບບເດັດຖານໄດ້. ສະນັ້ນເພື່ອຮັບປະກັນໃຫ້ ການຈັດເກັບລາຍຮັບສ່ວຍສາອາກອນບັນລຸແຜນຕາມລັດຖະ

ບານກຳນົດໄວ້, ພາກສ່ວນກ່ຽວຂ້ອງຕ້ອງໄດ້ເລັ່ງປັບປຸງນິຕິກຳໃຫ້ຮັດກຸມ ແລະ ສອດຄ່ອງກັບເງື່ອນໄຂຕົວຈິງຂອງສະ

ພາບເສດຖະກິດ, ຫັນລະບົບການຈັດເກັບອາກອນແບບປະຖົມປະຖານ ໄປສູ່ການນຳໃຊ້ລະບົບທັນສະໄໝ, ເກັບກຳຖານ

ລາຍຮັບຂອງຫົວໜ່ວຍທຸລະກິດໃຫ້ລະອຽດຊັດເຈນ, ຍົກສູງຄວາມຮັບຜິດຊອບຂອງພະນັກງານທຸກຂັ້ນໃຫ້ເປັນເຈົ້າ

ການໃນໜ້າທີ່ວຽກງານຂອງຕົນຫລາຍກວ່າເກົ່າ ແລະ ເພີ່ມທະວີການນຳໃຊ້ມາດຕະການຕໍ່ຫົວໜ່ວຍທຸລະກິດ ແລະ

ຜູ້ປະກອບການທີ່ຫລົບຫລີກ ແລະ ລະເມີດລະບຽບອາກອນຢ່າງເຂັ້ມງວດ.

ແຫລ່ງຂ່າວ: ລາວພັດທະນາ