Home​ຂ່າວທ່ອງທ່ຽວລົດໄຟລາວ-ຈີນ ເນັ້ນສ້າງເຂດເສດຖະກິດທ່ອງທ່ຽວທາງວັດທະນະທຳ

ລົດໄຟລາວ-ຈີນ ເນັ້ນສ້າງເຂດເສດຖະກິດທ່ອງທ່ຽວທາງວັດທະນະທຳ

Published on

ໃນວັນທີ 18 ພະຈິກ 2023 ທີ່ ສປ ຈີນ ໄດ້ຈັດກອງປະຊຸມກ່ຽວກັບການສ້າງເຂດເສດຖະກິດການທ່ອງທ່ຽວທາງວັດທະນະທຳ ລະຫວ່າງປະເທດຕາມທາງລົດໄຟລາວ-ຈີນ ໂດຍມີການເປີດແຜນການຮ່ວມກໍ່ສ້າງເຂດເສດຖະກິດດັ່ງກ່າວ ເພື່ອມຸ່ງແກ້ໄຂຈຸດອ່ອນ ແລະ ສົ່ງເສີມຈຸດເດັ່ນຂອງການພັດທະນາອຸດສາຫະກຳການທ່ອງທ່ຽວທາງວັດທະນະທຳຕາມທາງລົດໄຟລາວ-ຈີນ.

ກອງປະຊຸມຈັດຂຶ້ນ ພາຍໃຕ້ຫົວຂໍ້ “ການທ່ອງທ່ຽວສະໜັບສະໜູນການສ້າງ ແລະ ພັດທະນາເສັ້ນທາງແຫ່ງຄວາມສຸກ ເສັ້ນທາງແຫ່ງມິດຕະພາບ ຕາມເສັ້ນທາງລົດໄຟລາວ-ຈີນ” ເພື່ອເປັນການແລກປ່ຽນ ແລະ ຮ່ວມມືລະຫວ່າງປະເທດ ໂດຍມີວິຊາການສະເພາະຕົວແທນເມືອງທ່ອງທ່ຽວ ແລະ ຜູ້ໃຫ້ບໍລິຫານດ້ານການເດີນທາງທ່ອງທ່ຽວຈາກ ຈີນ ລາວ ໄທ ເນປານ ສີລັງກາ ແລະ ປະເທດອື່ນໆ ຈຳນວນ 200 ຄົນ ທີ່ເຂົ້າຮ່ວມ.

ເໝິງລຸ່ຍ ຜູ້ອຳນວຍການສະຖາບັນວາງແຜນ ແລະ ວິໄຈການທ່ອງທ່ຽວ ຂອງອິ່ນໜານ ກ່າວວ່າ: ການບໍລິການຂົນສົ່ງຜູ້ໂດຍສານຂ້າມແດນຂອງທາງລົດໄຟລາວ-ຈີນ ບໍ່ພຽງແຕ່ເປັນການສະໜັບສະໜູນການເດີນທາງຂອງປະຊາຊົນ ແລະ ສົ່ງເສີມການພັດທະນາການທ່ອງທ່ຽວຂອງທັງ 2 ປະເທດ ແຕ່ຍັງມີບົດບາດສຳຄັນຕໍ່ການສົ່ງເສີມການແລກປ່ຽນທາງເສດຖະກິດ ແລະ ການຄ້າລະຫວ່າງປະເທດ ແລະ ຮ່ວມສ້າງແຜນ ໜຶ່ງແລວ ໜຶ່ງເສັ້ນທາງ ທີ່ມີຄຸນະພາບສູງ.

ກອງປະຊຸມໃນຄັ້ງນີ້ ເປັນການສົ່ງເສີມການເພີ່ມສິ່ງອຳນວຍຄວາມສະດວກ ແລະ ຜະລິດຕະພັນທາງການທ່ອງທ່ຽວຕາມລົດໄຟລາວ-ຈີນ ພ້ອມຍັງຍົກລະດັບໂຄງສ້າງພື້ນຖານ ແລະ ການບໍລິຫານສາທາລະນະຂອງເມືອງທ່ອງທ່ຽວຕາມເສັ້ນທາງ.

ແຫຼ່ງຂ່າວ ຊິນຫົວ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...