ອາການໜັກ! ໝຸ່ມເມົາເຫຼົ້າແລ້ວຫຼອນ ບອກເປັນເທບພະເຈົ້າ ຈູດໄຟເຜົາບ້ານຕົນເອງ ພັງປະຕູບີບຄໍນ້າສາວ ແລະ ຈື່ແມ່ບໍ່ໄດ້.
ຕາມການລາຍງານຂອງສື່ທ້ອງຖິ່ນໄທ ໄດ້ລາຍງານໃນວັນທີ 19 ພະຈິກ 2023 ຜ່ານມາ, ເຈົ້າໜ້າທີ່ຕຳຫຼວດ ແຂວງບຸລິລຳ ປະເທດໄທ ໄດ້ຮັບແຈ້ງເຫດມີຊາກເມົາເຫຼົ້າອາການໜັກ ຈູດໄຟຟເຜົາບ້ານຕົນເອງ ແລະ ທຳຮ້າຍຄົນໃນຄອບຄົບ ຢູ່ທີ່ບ້ານໜອງກົງ ເມືອງນາງຮອງ ແຂວງບຸລີລຳ ເຈົ້າໜ້າທີ່ຈຶ່ງໄດ້ລົງພຶ້ນທີ່ເພື່ອເຮັດການສືບສວນ-ສອບສວນ.
ເຈົ້າໜ້າທີ່ລົງກວດສອບພື້ນທີ່ແລ້ວພົບວ່າ: ບ່ອນເກີດເຫດເປັນບ້ານປູນຊັ້ນດຽວ ແລະ ມີຮ່ອງຮອຍໄຟໄໝ້ພາຍໃນຫ້ອງບໍລິເວນບ້ານ ລວມເຖິງເຄື່ອງຂອງໃຊ້ບາງສ່ວນກໍຖືກໄຟໄໝ້, ຈາກການສອບຖາມຈຶ່ງຮູ້ວ່າ: ຜູ້ກໍ່ເຫດຊື່ ທ້າວ ສຳເນົາ ປະສົງຊັບ ອາຍຸ 37 ປີ ມີອາການມຶນເມົາເວົ້າບໍ່ຮູ້ເລື່ອງ ຢູ່ມືຖືກັບໄຟ 1 ອັນເຈົ້າໜ້າທີ່ຈຶ່ງໄດ້ເຂົ້າໄປເຈລະຈາເພື່ອກ່ອມໃຫ້ຜູ້ກໍ່ເຫດສະຫງົບສະຕິອາລົມ ກ່ອນຈະສົ່ງໄປຮັກສາຢູ່ໂຮງໝໍ.
ທາງດ້ານນ້າສາວຂອງຜູ້ກໍ່ເຫດເລົ່າວ່າ: ຫຼັງຈາກຫຼານຊາຍດື່ມເຫຼ້າເມົາ ກໍໄດ້ໄປເອີ້ນຮ້ອງໃສ່ຢູ່ບ້ານ 3 ເທື່ອ ບອກໃຫ້ຕົນເປີດປະຕູມາລົມນຳ ແຕ່ຜູ້ກໍ່ເຫດກໍໄດ້ພັງປະຕູເຂົ້າມາແລ້ວຈາກນັ້ນຫຼານກໍບອກວ່າຝາກນ້ອງສາວແນ່ ເຊິ່ງນ້ອງທີ່ເວົ້າເຖິງນັ້ນເປັນແມ່ ແລ້ວຜູ້ກໍ່ເຫດກໍໃຊ້ມືບີບຄໍນ້າສາວ ຈົນປ້າຕ້ອງໄດ້ເຂົ້າມາຊ່ວຍ.
ເບື້ອງຕົ້ນເຈົ້າໜ້າທີ່ຕຳຫຼວດໄດ້ຄວບຄຸມໂຕຜູ້ກໍ່ເຫດ ແລະ ສົ່ງໄປກວດສະພາບຮ່າງກາຍ ແລະ ຈິດໃຈຢູ່ໂຮງໝໍ ວ່າມີອາການທາງຈິດ ຫຼື ບໍ່ ຫຼື ເປັນເພາະອາການເມົາໜັກ ເພື່ອຈະໄດ້ຮັບການບຳາບັດຮັກສາຕໍ່ໄປ.
ທີ່ມາ: ຂ່າວສົດ