ສຳນັກຂ່າວຕ່າງປະເທດລາຍງານຈາກກຸງຮ່າໂນຍ ໃນວັນທີ 15 ພະຈິກ 2023 ຜ່ານມານີ້ວ່າ: ທາງການແຂວງກວາງຈິ ແຄມຊາຍຝັ່ງພາກກາງຂອງຫວຽດນາມ ລາຍງານການເກີດນ້ຳຖ້ວມເປັນວົງກວ້າງ ໃນຫຼາຍພື້ນທີເນື່ອງຈາກຝົນທີ່ຕົກລົງມາຢ່າງໜັກ ເຮັດໃຫ້ຕ້ອງມີການອົບພະຍົບປະຊາຊົນຫຼາຍກວ່າ 2000 ຄົນ ແລະ ເຮັດໃຫ້ມີຄົນສູນຫາຍອີກ 3 ຄົນ.
ຂະນະທີ່ເທດສະບານເມືອງ ເຮວ໌ (Huế) ເຊິ່ງເປັນແຫຼ່ງທ່ອງທ່ຽວມໍລະດົກໂລກ ຂອງແຂວງເຖື່ອທຽນເຮວ໌ ສາມາດດຶງດູດນັກທ່ອງທ່ຽວມາທ່ຽວຊົມໄດ້ຢ່າງຫຼວງຫຼາຍ ເຊິ່ງຕັ້ງຢູ່ໃກ້ກັບແຂວງກວາງຈິ ຕ້ອງພົບກັບນ້ຳຖ້ວມສູງໃນຫຼາຍເຂດເຊັ່ນກັນ ຕາມການລາຍງານເບື້ອງຕົ້ນເຈົ້າໜ້າທີ່ໄດ້ລະບຸວ່າ: ໄພພິບັດເຊິ່ງເກີດຂຶ້ນຕັ້ງແຕ່ຕົ້ນປີນີ້ ສົ່ງຜົນໃຫ້ມີຜູ້ເສຍຊີວິດ ແລະ ສູນຫາຍລວມກັນຢ່າງໜ້ອຍ 136 ຄົນ.
ສຳລັບທ່ານໃດຈະໄປທ່ຽວຊ່ວງນີ້ ແມ່ນໃຫ້ກວດເບິ່ງສະພາບອາກາດກ່ອນເດີ້
ພາບຈາກ: AFP