spot_img
Homeຂ່າວຄວາມສະຫງົບຈີນ, ກຳປູເຈຍ, ລາວ, ມາເລເຊຍ, ໄທ ແລະ ຫວຽດນາມ ຊ້ອມຮົບຕົວຈິງ

ຈີນ, ກຳປູເຈຍ, ລາວ, ມາເລເຊຍ, ໄທ ແລະ ຫວຽດນາມ ຊ້ອມຮົບຕົວຈິງ

Published on

ພິທີເປີດການຊ້ອມຮົບຮ່ວມຫຼາຍຝ່າຍ ພາຍໃຕ້ຫົວຂໍ້ “ສັນຕິພາບ-ມິດຕະພາບ 2023” (AMAN YOUYI-2023) ໄດ້ເປີດຂື້ນຢ່າງເປັນທາງການໃນວັນທີ 13 ພະຈິກ 2023 ນີ້, ທີ່ເມືອງຈ້ານຈຽງ ແຂວງກວາງຕຸ້ງ ສປ ຈີນ ໂດຍມີ 6 ປະເທດເຂົ້າຮ່ວມຄື: ສປ ຈີນ ເຈົ້າພາບ, ກຳປູເຈຍ, ລາວ, ມາເລເຊຍ, ໄທ ແລະ ຫວຽດນາມ. ໂດຍການເປັນປະທານຂອງ ສະຫາຍ ພົນໂທ ຈິງຈ້ຽນເຟິງ ຄະນະກຳມະການທະຫານສູນກາງ ຮອງຫົວໜ້າເສນາທິການກົມເສນາທິການປະສານເຫຼົ່າ ກອງທັບປົດປ່ອຍປະຊາຊົນຈີນ ເຊິ່ງຝ່າຍລາວເຂົ້າຮ່ວມໂດຍ ສະຫາຍ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນລາວ, ມີບັນດາທ່ານ, ບັນດາສະຫາຍຄະນະຊີ້ນຳ ແລະ ກຳລັງເຂົ້າຊ້ອມຮົບຕົວຈິງຂອງແຕ່ລະປະເທດເຂົ້າຮ່ວມ.

ໃນພິທີຄະນະຊີ້ນຳແຕ່ລະປະເທດໄດ້ຂື້ນມີຄຳເຫັນ ເຊິ່ງໃນນັ້ນ, ສະຫາຍ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ໄດ້ມີຄຳເຫັນວ່າ: ການຝຶກຊ້ອມໃນຄັ້ງນີ້, ຖືເປັນນິມິດໝາຍອັນສຳຄັນ ແລະ ເປັນບາດກ້າວອັນໃໝ່ ໃຫ້ແກ່ກອງທັບໃນພາກພື້ນ ໄດ້ມີໂອກາດຝຶກຊ້ອມດ້ານກຳລັງທະຫານຮ່ວມກັນ ໂດຍສະ ເພາະແມ່ນການຝຶກຊ້ອມຮ່ວມກຳລັງປະກອບອາວຸດ ກອງທັບປົດປ່ອຍປະຊາຊົນຈີນ ເຊິ່ງເປັນການສ້າງໂອກາດອັນດີ ໃຫ້ນາຍ ແລະ ພົນທະຫານແຕ່ລະປະເທດ ໄດ້ມີການແລກປ່ຽນຄວາມຮູ້, ບົດຮຽນ, ປະສົບການດ້ານທິດສະດີ, ຫຼັກກາານ ແລະ ຍຸດທະວິທີໃນການສູ້ຮົບໂຈມຕີ ເພື່ອສ້າງໃຫ້ກໍາລັງຂອງຕົນມີຄວາມຊໍານິຊໍານານ, ມີປະສົບການ ແລະ ຄວາມພ້ອມໃນການຕໍ່ສູ້ຕ້ານກັບກຸ່ມຄົນ ແລະ ປະເທດທີ່ບໍ່ຫວັງດີ ທີ່ຍາມໃດກໍຫວັງມ້າງເພທຳລາຍກໍ່ຄວາມບໍ່ສະຫງົບ ໃຫ້ແກ່ບັນດາປະເທດໃນພາກພື້ນ, ເວົ້າສະເພາະ ກໍເພື່ອປົກປັກຮັກສາສັນຕິພາບໃນພາກພື້ນ ແລະ ໃນໂລກໃຫ້ມີຄວາມໝັ້ນຄົງ ແລະ ວັດທະນາຖາວອນ.

ສະຫາຍ ພົນຕີ ພັນແສງ ບຸນພັນ ໄດ້ກ່າວຕື່ມອີກວ່າ: ການຝຶກຊ້ອມໃນຄັ້ງນີ້, ບໍ່ພຽງແຕ່ເປັນການຝຶກຊ້ອມດ້ານພາລະກຳລັງຮ່ວມກັນເທົ່ານັ້ນ ແຕ່ຍັງເປັນໂອກາດອັນດີໃຫ້ແກ່ນາຍ ແລະ ພົນທະຫານ ຈາກປະເທດທີ່ເຂົ້າຮ່ວມກັບນາຍ ແລະ ພົນທະຫານຈາກກອງທັບປົດປ່ອຍປະຊາຊົນຈີນ ໄດ້ມີໂອກາດພົບປະໂອ້ລົມແລກປ່ຽນວັດທະນະທຳ ແລະ ເປັນການສ້າງຄວາມສາມັກຄີອັນສະໜິດສະໜົມກັນຫຼາຍຂຶ້ນ. ເຊິ່ງເປັນພື້ນຖານອັນດີໃນການເສີມສ້າງໄມຕີຈິດມິດຕະພາບ ລະຫວ່າງບັນດາກອງທັບ ໃນປະເທດອາຊຽນ ແລະ ສປ ຈີນ ໃຫ້ມີຄວາມແໜ້ນແຟ້ນຂຶ້ນໄປເທື່ອລະກ້າວ.
ທີ່ມາ: ກອງທັບປະຊາຊົນລາວ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...