spot_img
Homeຂ່າວພາຍ​ໃນລາວ-ຈີນ ຮ່ວມກັນພັດທະນາລະບົບ ATM ເງິນກີບ ແລະ ເງິນຢວນ

ລາວ-ຈີນ ຮ່ວມກັນພັດທະນາລະບົບ ATM ເງິນກີບ ແລະ ເງິນຢວນ

Published on

20141203090951

 

ໃນ​ອະນາຄົດ​ມໍ່ໆ​ນີ້ ປະຊາຊົນສອງ​ຊາດ​ລາວ-ຈີນ ຈະ​ໄດ້​ນຳ​ໃຊ້ຕູ້ ATM ຮ່ວມ​ກັນ ເຊິ່ງ​ຕູ້​ດັ່ງກ່າວ ຈະ​ສາມາດ​ກົດ​ເອົາ​ເງິນ

ຫຼື ເຮັດ​ທຸລະກຳ​ດ້ານ​ການ​ເງິນ​ທີ່​ເປັນ​ສະກຸນ​ເງິນ​ກີບ ແລະ ເງິນ​ຢວນ​ຂອງສອງ​ປະເທດ​ໄດ້​ຢ່າງ​ວ່ອງໄວ ແລະ ຖືກຕ້ອງ​

ຕາມ​ລະບຽບ​ກົດໝາຍ​ດ້ານ​ການ​ເງິນ​ຂອງ​ຕົນ.

 

ພິທີ​ເຊັນ​ສັນຍາ​ວ່າ​ດ້ວຍ​ການຊ່ວຍເຫຼືອ​ລ້າ “ໂຄງການ​ນຳ​ໃຊ້ບັດ ATM ຮ່ວມ​ກັນລະຫວ່າງທະນາຄານ​ແຫ່ງ ​ສປປ ລາວ

ແລະ ທະນາຄານ​ພັດທະນາແຫ່ງ​ຊາດ​ຈີນ ມູນ​ຄ່າ 56 ລ້ານ ຢວນ (ສະກຸນ​ເງິນ​ຈີນ) ຈັດ​ຂຶ້ນວັນ​ທີ 28 ພະຈິກ 2014 ຜ່ານ

​ມາ ທີ່​ໂຮງແຮມ​ລາວ​ພລາ​ຊາ ນະຄອນ​ຫຼວງ​ວຽງ​ຈັນ ຮ່ວມ​ລົງ​ນາມມີ​ທ່ານ ສອນ​ໄຊ ສິດ​ພະ​ໄຊ ຮອງຜູ້​ວ່າການ​ທະນາຄານ

​ແຫ່ງ ສປປ ລາວ ແລະ ທ່ານ ໂຈ ຊິງ ຢຸຍ ຮອງ​ປະທານ​ທະນາຄານ​ພັດ​ທະນາແຫ່ງ​ຊາດ​ຈີນ ໃຫ້​ກຽດ​ເຂົ້າຮ່ວມ​ໂດຍ​ທ່ານ

​ດຣ. ບຸນ​ປອນ ບຸດ​ຕະ​ນະ​ວົງ ຮອງ​ນາຍົກ​ລັດ​ຖະມົນຕີ ຜູ້​ຊີ້​ນຳ​ວຽກ​ງານ​ເສດ​ຖະກິດ​ມະຫາ​ພາກ ແລະ ບໍລິການ ພ້ອມ

​ດ້ວຍ​ບັນດາ​ລັດຖະມົນຕີ​ວ່າການ ຊ່ວຍ​ວ່າການ ແລະ ຜູ້​ຕາງໜ້າ​ຈາກ​ພາກສ່ວນ​ກ່ຽວຂ້ອງ​ທັງສອງ​ຝ່າຍ.

 

ທ່ານ ສອນ​ໄຊ ສິດ​ພະ​ໄຊ ກ່າວ​ວ່າ: ການ​ຊ່ວຍເຫຼືອ​ລ້າ​ໃນໂຄງ​ການຈັດຕັ້ງ​ປະຕິບັດ ​ວຽກງານ​ພັດທະນາ​ລະບົບ​ເຊື່ອມ​ຕໍ່​ຕູ້

ATM ຂອງ​ສອງ​ທະນາຄານ​ແຫ່ງຊາດ ລາວ-ຈີນ ຄັ້ງ​ນີ້ ຖື​ເປັນ​ການປະກອບສ່ວນ​ອັນ​ສຳຄັນ ​ໃນ​ການດຳເນີນ​ວຽກ​ງານ​ທຸ

ລະ​ກຳ​ດ້ານການ​ເງິນ​ຂອງ​ສອງ​ປະເທດ​ ໃຫ້​ມີຄວາມ​ສະດວກ​ວ່ອງໄວ ແລະ ທັນສະໄໝ​ຍິ່ງ​ຂຶ້ນ ສະ​ຖາ​ບັນ​ການເງິນ ລວມ​

ທັງ​ນັກທຸລະກິດ​ຈີນທີ່ມາ​ລົງທຶນ​ຢູ່ ​ສປປ ລາວ ປະຊາຊົນ​ສອງ​ຊາດ​ລາວ-ຈີນ ສາມາດຊົມໃຊ້​ຜະລິດ​ຕະ​ພັນ ແລະ ບໍ​ລິການ

​ຂອງ​ທະນາຄານ​ທັງ​ສອງ ດ້ວຍ​ຄວາມ​ໄວ້​ເນື້ອ​ເຊື່ອ​ໃຈ ພ້ອມນັ້ນ ຍັງ​ເປັນ​ການ​ເສີມ​ສ້າງ​ຄວາມເຂັ້ມແຂງ​ທາງ​ດ້ານ​ການ​

ເງິນຂອງ​ສອງ​ທະນາຄານ ​ໃຫ້​ນັບ​ມື້​ຂະຫຍາຍ​ຕົວ​ຍິ່ງ​ຂຶ້ນ ຕາມ​ແນວທາງນະໂຍບາຍ​ຂອງ​ພັກ ແລະ ລັດຖະ​ບານ​ສອງ​ປະ

ເທດ ​ທີ່​ມີ​ເປົ້າໝາຍ​ສົ່ງເສີມ​ສາຍ​ພົວພັນ​ສອງຊາດ ລາວ-ຈີນ ໃຫ້​ກ້າວ​ຂຶ້ນ​ຢ່າງບໍ່​ຢຸດ​ຢັ້ງ​ຕື່ມ​ອີກ.

 

ສຳລັບ​ໂຄງ​ການຈັດຕັ້ງ​ປະຕິ​ບັດ​ວຽກ​ງານ​ເຊື່ອມ​ຕໍ່​ລະບົບ ATM ຮ່ວມ​ກັນ​ຄັ້ງ​ນີ້ ລັດຖະບານ ກໍ່​ຄື​ສອງ​ທະນາຄານ​ແຫ່ງ​

ຊາດ ລາວ-ຈີນ ໄດ້​ຮ່ວມ​ກັນ​ສຶກ​ສາ ແລະ ສຳ​ຫຼວດ​ໂຄງການ​ດັ່ງກ່າວມາ​ແຕ່​ປີ 2008 ເປັນຕົ້ນ​ມາ ເຊິ່ງຄາດ​ວ່າ​ໂຄງການ​

ຈະ​ໃຫ້​ສຳເລັດ ແລະ ນຳ​ໃຊ້​ຕົວ​ຈິງ​ໃນ​ອະນາຄົດມໍ່ໆ​ນີ້.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...