ວັນທີ 28 ຕຸລາ – 2 ພະຈິກ 2023 ທ່ານ ທອງຄຳ ໂພທີສານ ຮອງຫົວໜ້າຫ້ອງການອຸດສາຫະກຳ ແລະ ການຄ້າ ເມືອງບາຈຽງຈະເລີນສຸກ ແຂວງຈຳປາສັກ ພ້ອມເຈົ້າໜ້າທີ່ກວດກາການຄ້າ ແລະ ສາທາລະນະສຸກເມືອງເຄື່ອນ ໄຫວກວດກາ, ຕິດຕາມການຕິດສະຫຼາກລາຄາສິນຄ້າເປັນພາສາລາວ, ສິນຄ້າຮຽນແບບ, ສິນຄ້າໝົດອາຍຸ ແລະ ອາຫານທີ່ມີສານເຄມີເຈືອປົນຕາມຕະຫຼາດຫຼັກ 8 ໃຕ້, ຕະຫຼາດຫຼັກ 14 ໃຕ້, ຕະຫຼາດຫຼັກ 13 ໃຕ້, ຫ້າງຮ້ານຂາຍເຄື່ອງສົ່ງ-ເຄື່ອງຍ່ອຍ, ມິນິມາກ ແລະ ຮ້ານຂາຍເຄື່ອງໃກ້ກັບບໍລິເວນໂຮງຮຽນ.
ເຊິ່ງສາມາດຈັດຕັ້ງປະຕິບັດ ໄດ້ຮ້ານຄ້າທັງໝົດ 39 ຫົວໜ່ວຍ ຕິດພັນກັບການສຶກສາອົບຮົມ ແລະ ສ້າງບົດບັນທຶກກ່າວເຕືອນກັກຍຶດສິນຄ້າທີ່ລອກຮຽນແບບ, ສິນຄ້າໝົດອາຍຸໄດ້ຈຳນວນ 211 ອັນ/ກ່ອງ, ມູນຄ່າທັງໝົດ 6.703.000 ກີບ ເພື່ອເປັນການປົກປ້ອງຜູ້ບໍລິໂພກ, ການຊົມໃຊ້ແລະບໍລິການ ສ່ວນສິນຄ້າດັ່ງກ່າວແມ່ນຈະນຳໄປຈັດພິທີທຳລາຍຕາມຂັ້ນຕອນ ແລະ ລະບຽບການ.
ແຫຼ່ງຂ່າວ Media Laos