ອີງຕາມສຳນັກຂ່າວໄທລາຍງານໃນວັນທີ 4 ພະຈິກ 2023 ຜ່ານມານີ້, ໄດ້ມີເລື່ອງລາວຍິງສາວຊາວໄທຄົນໜຶ່ງໄດ້ອອກມາແຊຣ ວ່າຕົນເອງຄືຜູ້ປ່ວຍເຊື້ອ HIV ຕັ້ງແຕ່ກຳເນີດ ໄດ້ກິນຢາຄວບຄຸມອາການມາໂດຍຕະຫຼອດ ແຕ່ຫຼ້າສຸດອົກຈຶ່ງອອກທ່ຽວກາງຄືນ ແລະ ແຜ່ເຊື້ອໃຫ້ກັບຊາຍໜຸ່ມທຸກຄົນທີ່ໄດ້ນອນກັບຕົນເອງຄືນຕໍ່ຄືນ.
ຍິງສາວຄົນດັ່ງກ່າວເປັນນັກສຶກສາ ມະຫາວິທະຍາໄລແຫ່ງໜຶ່ງທາງພາກອີສານ ປະເທດໄທ ໄດ້ອອກມາໂພສມື້ທີ່ຊ້າເກີນໄປ ເພາະຕອນນີ້ອາດແຜ່ເຊື້ອ HIV ໃຫ້ກັບຜູ້ຊາຍຫຼາຍຄົນແລ້ວ ໂດຍໄດ້ລະບຸວ່າ: ໃນຊ່ວງທີ່ຕົນກຳລັງຈະຂຶ້ນປີ 3 ເລີ່ມອອກທ່ຽວຄັ້ງທຳອິດໃນຊ່ວງເດືອນເມສາທີ່ຜ່ານມາ, ສາເຫດຍ້ອນວ່າອົກຫັກຈາກຄົນຮັກ ເຊິ່ງການອອກໄປທ່ຽວໃນແຕ່ລະຄືນຈະໄດ້ຜູ້ຊາຍກັບມາຫຼັບນອນ ແລະ ມີເພດສຳພັນແບບ One Night Stand ໂດຍຍອມຮັບວ່າສະຖານທີ່ບັນເທີງທີ່ຕົນໄປຕະຫຼອດຢູ່ແຖວປ້ຳນ້ຳມັນ.
ຕົນເອງເສຍໃຈໃນສິ່ງທີ່ເກີດຂຶ້ນ ເຖິງແມ່ນວ່າມັນຈະຊ້າເກີນໄປ ແລະ ໄດ້ຍອມຮັບວ່າຕົນນັ້ນມີເຊື້ອ HIV ມາຕັ້ງແຕ່ກຳເນີດແລ້ວຕົນເລີ່ມສົງສານຄົນທີ່ເຄີຍນອນຮ່ວມກັນ ເຊິ່ງເປັນຫ່ວງເມີຍ ແລະ ລູກຂອງຜູ້ຊາຍທີ່ເຄີຍຫຼັບນອນນຈະຕິດເຊື້ອ HIV ໄປນຳ.
ຝາກເຕືອນເປັນອຸທາຫອນສຳລັບຜູ້ຊາຍທີ່ມັກທ່ຽວກາງຄືນ ໂດຍສະເພາະຜູ້ຊາຍທີ່ມັກມີເພດສຳພັນແບບ One Night Stand ໃຫ້ລະມັດລະວັງ ແລະ ໃສ່ຖົງຢາງອະນາໄມທຸກຄັ້ງເວລາມີເພດສຳພັນ ເພື່ອປ້ອງກັນບໍ່ໃຫ້ຕິດເຊື້ອໄດ້, ເຊິ່ງໃນປັດຈຸບັນໂຣກຕິດຕໍ່ທາງເພດສຳພັນມີການລະບາດຫຼາຍໂດຍສະເພາະແມ່ນໂຣກ HIV ແລະ ໝາກສຸກລີງ.