ນັກກິລາດອກປີກໄກ່ເຍົາວະຊົນທີມຊາດລາວທີ່ເຂົ້າຮ່ວມແຂ່ງຂັນກິລາດອກປີກໄກ່ເຍົາວະຊົນຊິງເເຊ໋ມອາຊຽນ ລຸ້ນອາຍຸບໍ່ເກີນ 15 ປີ ແລະ 17 ປີ ປະຈຳປີ 2023 ຫຼື ASEAN U-15 & U-17 Badminton Championship 2023 ທີ່ຈະຈັດຂື້ນຢູ່ນະຄອນຫຼວງພະນົມເປນ ປະເທດກຳປູເຈຍ ສາມາດຜ່ານເຂົ້າສູ່ຮອບຊິງຊະນະເລີດໄດ້ສຳເລັດ: ໂດຍປະເພດ ຊາຍຄູ່ ອາຍຸບໍ່ເກີນ 15 ປີ ໃນຮອບຮອງຊະນະເລີດ ທ້າວ ສຸພະໄຊ ສິມມະວົງ ແລະ ທ້າວ ນັດທິວ ພົງສັກ ເອົາຊະນະ ນັກກິລາຈາກຕີມໍເລສເຕ ໄປ 2-1 ເກມ (23-21 / 20-22 / 21-10) ສາມາດຜ່ານເຂົ້າໄປຊິງຊະນະເລີດພົບກັບ ນັກກິລາຈາກປະເທດມຽນມ້າ.

ສ່ວນນັກກິລາຄົນອື່ນ ປະເພດ ຊາຍດ່ຽວ ອາຍຸບໍ່ເກີນ 17 ປີຮອບຮອງຊະນະເລີດ ທ້າວ ອານຸສິນ ມະນີວັນ ເສຍໃຫ້ ນັກກິລາຈາກມຽນມາ ໄປ 0-2 ເກມ (17-21 / 16-21) ໄດ້ອັນດັບ 3 ຮ່ວມ ແລະ ລາຍການ ຊາຍຄູ່ ອາຍຸບໍ່ເກີນ 17 ປີ ຮອບຮອງຊະນະເລີດ ທ້າວ ຊະນະ ສິລິສັກ ແລະ ທ້າວ ອານຸສິນມະນີວັນ ເສຍໃຫ້ ນັກກິລາຈາກກຳປູເຈຍ ເຈົ້າພາບ ໄປ 0-2 ເກມ (16-21 / 12-21) ໄດ້ອັນດັບ 3 ຮ່ວມ ສຳລັບໂປຣເເກມການເເຂ່ງຂັນໃນ ວັນທີ 3 ພະຈິກ: ຊາຍຄູ່ ຮອບຊິງຊະນະເລີດ (ທ້າວ ສຸພະໄຊ ສິມມະວົງ ແລະ ທ້າວ ນັດທິວ ພົງສັກ ພົບ ນັກກິລາຈາກມຽນມາ)
ຝາກເຊຍ ແລະ ໃຫ້ກຳລັງໃຈນ້ອງໆນັກກິລາເຍົາວະຊົນທີມຊາດລາວ ໃຫ້ໄດ້ຫຼຽນຄຳມາສູ່ປະເທດລາວດ້ວຍ.

ທີ່ມາ: ລາວສູ້ໆ