Homeຂ່າວພາຍ​ໃນສສຊ ສະເໜີໃຫ້ເອົາຄຳມາເປັນຄັງສຳຮອງຍ້ອນຂາດແຄນເງິນຕາ

ສສຊ ສະເໜີໃຫ້ເອົາຄຳມາເປັນຄັງສຳຮອງຍ້ອນຂາດແຄນເງິນຕາ

Published on

ໃນວາລະການດຳເນີນກອງປະຊຸມສະໄໝສາມັນເທື່ອທີ 6 ຂອງສະພາແຫ່ຊາດຊຸດທີ IX ວັນທີ 1 ພະຈິກ 2023 ບັນດາສະມາຊິກສະພາແຫ່ງຊາດ (ສສຊ) ສືບຕໍ່ໄດ້ປະກອບຄຳເຫັນໃສ່ບົດລາຍງານ ຂອງລັດຖະບານກ່ຽວກັບແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດ ແລະ ແຜນເງິນຕາເພື່ອໃຫ້ລັດຖະບານແກ້ໄຂໃນຕໍ່ໜ້າ.

ທ່ານນາງ ມີນາພອນ ໄຊສົມພູ ສສຊ ເຂດເລືອກຕັ້ງທີ 17 ແຂວງອັດຕະປື ໄດ້ປະກອບຄຳເຫັນໃສ່ບົດກລາຍງານຂອງລັດຖະບານບາງຕອນວ່າ ການຄຸ້ມຄອງເງິນຕາໄລຍະຜ່ານລັດຖະບານໄດ້ມີການປັງປຸງ ແກ້ໄຂຫຼາຍດ້ານດ້ວຍຫຼາຍວິທີລວມທັງການການຄຸ້ມຄອງອັດຕາແລກປ່ຽນຕ່າງໆ ແຕ່ເຫັນວ່າອັດຕາເງິນເຟີ້ກໍຍັງຢູ່ໃນລະດັບສູງ ເຊິ່ງບັນຫາດັ່ງກ່າວໄດ້ສົ່ງຜົນກະທົບຫຼາບດ້ານເປັນຕົ້ນລາຄາສິນຄ້າສູງຫຼາຍເທົ່າຕົວເປັນຕົ້ນແມ່ນໝວດສິນຄ້າສະບຽງອາຫານ ຢາປົວພະຍາດຕ່າງໆ ເຮັດການດຳລົງຊີວິດຂອງພະນັກງານ-ລັດຖະກອນ ກຳມະກອນ ແລະ ພໍ່ແມ່ປະຊາຊົນທີ່ມີລາຍຮັບຕໍ່າມີຄວາມຫຍຸ້ງຍາກ ເຊິ່ງເປັນບັນຫາທີ່ປະຊາຊົນສະເໜີຕໍ່ ສະມາຊິກສະພາປະຊາຊົນຂັ້ນແຂວງ ກໍຄື ສສຊ ຫຼາຍ ສະນັ້ນສະເໜີໃຫ້ລັດຖະບານຕ້ອງມີການແກ້ໄຂໃຫ້ຖືກຈຸດໂດຍສະເພາະແມ່ນຈຸດປັດໄຈພາຍໃນທີ່ເປັນບັນຫາສຳຄັນເພາະວ່າໄລຍະຜ່ານມາຍັງມີປະກົດການກັກຕຸນເງິນຕາຕ່າງປະເທດເພື່ອເກງກຳໄລໃຫ້ບຸກຄົນ ມີການປັ່ນປ່ວນອັດຕາແລກປ່ຽນສະນັ້ນລັດຖະບານຕ້ອງການຄຸ້ມຄອງໃຫ້ຮັດກຸມຕື່ມ ກົນໄກປະສານງານລະຫວ່າງຂະແໜງການທີ່ກ່ຽວຂ້ອງທີ່ມີໜ້າທີ່ໃນການຄຸ້ມຄອງເງິນຕາຕ່າງປະເທດໃຫ້ມີການເຊື່ອມຈອດເຊິ່ງກັນ ແລະ ກັນ ເພາະວ່າເຫັນຕາມການລາຍງານລັດຖະບານຂອດການປະສານງານຍັງບໍ່ທັນໄດ້ດີເທົ່າທີຄວນ.

ນອກຈາກນີ້ຄັງສຳຮອງເງິນຕາຕ່າງປະເທດຍັງຢູ່ໃນລະດັບຈຳກັດ ຍ້ອນຂາດແຄນເງິນຕາ ເຊິ່ງບັນຫານີ້ຢາກແລກປ່ຽນ ໂດຍອີງໃສ່ເງື່ອນໄຂປັດຈຸບັນຂອງປະເທດລາວມີທ່າແຮງໃນການຂຸດຄົ້ນຊັບພະຍາກອນ ທຳມະຊາດໂດຍສະເພາະແມ່ນແຮ່ທາດຕ່າງໆ ສະນັ້ນສະເໜີໃຫ້ເອົາຄຳມາເປັນຄັງສຳຮອງເງິນຕາຈະໄດ້ບໍ ພ້ອມນັ້ນກໍຢາກໃຫ້ລັດຖະບານມີມາດຕະການໂດຍມອບພັນທະໃຫ້ແຕ່ລະແຂວງມີສ່ວນຮ່ວມໃນການປະກອບສ່ວນໃນຄັງສຳຮອງ ແຕ່ຄັງສຳຮອງດັ່ງກ່າວນັ້ນຕ້ອງມີການຄຸ້ມຄອງ ແລະ ນຳໃຊ້ໃຫ້ຖືກເປົ້າ ໝາຍ.

ແຫຼ່ງຂ່າວ Vientiane Mai

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...