spot_img
Homeຂ່າວພາຍ​ໃນປະຊາຊົນໃຊ້ທຶນ 825 ລ້ານກວ່າກີບ ຍົກລະດັບເສັ້ນທາງພາຍໃນບ້ານ

ປະຊາຊົນໃຊ້ທຶນ 825 ລ້ານກວ່າກີບ ຍົກລະດັບເສັ້ນທາງພາຍໃນບ້ານ

Published on

ໃນວັນທີ 27 ຕຸລາ 2023 ນີ້, ຢູ່ທີ່ຫໍປະຊຸມບ້ານຫ້ວຍເລິກ ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີ ມອບ-ຮັບ ການກໍ່ສ້າງສ້ອມແປງຍົກລະດັບເສັ້ນທາງຢູ່ພາຍໃນບ້ານຂຶ້ນ.

ທ່ານ ສົມພາວັນ ຫອມສົມບັດ ນາຍບ້ານໆຫ້ວຍເລິກ ໄດ້ລາຍງານຕໍ່ພິທີ ວ່າ: ການກໍ່ສ້າງ ສ້ອມແປງຍົກລະດັບເສັ້ນທາງຜັງບ້ານຫ້ວຍເລິກ ໄດ້ເລີ່ມປະຕິບັດມາແຕ່ວັນທີ 1 ເມສາ 2023 – ວັນທີ 30 ກໍລະກົດ 2023 ຈຶ່ງສໍາເລັດ, ບໍລິສັດໄດ້ປະຕິບັດບັນດາໜ້າວຽກ ຕາມມາດຖານເຕັກນິກຂອງຫ້ອງການໂຍທາທິການ ແລະ ຂົນສົ່ງເມືຶອງວາງອອກ ເຊິ່ງປະຕິບັດໜ້າວຽກລວມມີ ເສັ້ນທາງທັງໝົດ 17 ເສັ້ນ ມີຄວາມຍາວ 3.900 ກວ່າແມັດ.

ໃນນີ້, ເສັ້ນທາງຫຼັກ 4 ເສັ້ນ ມີຄວາມກວ້າງ 5 ແມັດ ຍາວ 1.700 ກວ່າແມັດ ແລະ ເສັ້ນທາງຮ່ອມ 13 ເສັ້ນ, ມີຄວາມກວ້າງ 4,5 ແມັດ ມີ 6 ເສັ້ນ ຍາວ 1.300 ກວ່າແມັດ ແລະ ກວ້າງ 4 ແມັດ ມີ 7 ເສັ້ນ ຍາວ 930 ກວ່າແມັດ.

ນອກຈາກນີ້, ຍັງໄດ້ຂຸດຮ່ອງລະບາຍນໍ້າ ຂະໜາດ (1,58 ແມັດ + 1,00 ແມັດ) x 1,00 ແມັດ ຍາວ 150 ແມັດ ລວມມູນຄ່າທັງໝົດ 825 ລ້ານກວ່າກີບ ໂດຍແມ່ນທຶນຂອງປະຊາຊົນພາຍໃນບ້ານຮ້ອຍສ່ວນຮ້ອຍ.

ຈາກນັ້ນ, ທ່ານ ສົມພາວັນ ຫອມສົມບັດ ນາຍບ້ານໆຫ້ວຍເລິກ ຕ່າງໜ້າອົງການປົກຄອງບ້ານ (ເຈົ້າຂອງໂຄງການ) ແລະ ທ່ານ ຊົງຍົດ ຈັນທະວົງ ບໍລິສັດ ກິດຕິກອນ ກໍ່ສ້າງຂົວທາງ ຈໍາກັດ (ຜູ້ຮັບເໝົາ) ໄດ້ເຊັນບົດບັນທຶກ ມອບ-ຮັບ ການກໍ່ສ້າງ ສ້ອມແປງຍົກລະດັບເສັ້ນທາງຜັງບ້ານ ໂດຍຊ່ອງໜ້າທ່ານ ອໍາຄາ ລັດສະໝີ ເຈົ້າເມືອງແກ່ນທ້າວ, ທ່ານ ບຸນສົງ ລາດຊະວົງ ປະທານຄະນະກວດກາພັກເມືອງ, ບັນດາຫົວໜ້າຫ້ອງການ, ຄະນະກໍາມະການຂັ້ນເມືອງ, ອົງການປົກຄອງບ້ານ ແລະ ປະຊາຊົນບ້ານດັ່ງກ່າວ.

ແຫຼ່ງຂ່າວ ຫ້ອງການ ຖວທ ເມືອງແກ່ນທ້າວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...