ທາງການໄທອອກເກນ ຫ້າມແອັບທະນາຄານຫຼົ້ມບໍ່ເກີນ 8 ຊົ່ວໂມງ ພາຍໃນ 1 ປີ ຄາດວ່າໂທດສູງສຸດຄັ້ງລະ 5 ແສນບາດ ຖ້າບໍ່ແກ້ໄຂຈະປັບໃໝເພີ່ມມື້ລະ 5.000 ບາດ.

ໃນວັນທີ 31 ຕຸລາ 2023 ພິນໂຢ ຕີເພັດສະລາພອນ ຜູ້ອຳນວຍການຝ່າຍກຳກັບ ແລະ ກວດສອບຄວາມສ່ຽງດ້ານເຕັກໂນໂລຊີຂໍ້ມູນຂ່າວສານ ທະນາຄານແຫ່ງປະເທດໄທ ລາຍງານວ່າ: ພາຍໃນເດືອນພະຈິກນີ້ ຈະມີການອອກແກ້ໄຂປະກາດເລື່ອງຫຼັກເກນການກຳກັບດູແລຄວາມສ່ຽງດ້ານເຕັກໂນໂລຊີຂໍ້ມູນຂ່າວສານ ຂອງສະຖາບັນການເງິນ ແລະ ສະຖາບັນການເງິນສະເພາະກິດ ໂດຍໄດ້ລະບຸເຖິງບົດລົງໂທດ ຖ້າຫາກລະບົບຂັດຂ້ອງດົນເກີນກຳນົດ ເຊິ່ງໄດ້ກຳນົດວ່າລະບົບແອັບທະນາຄານຈະຂັດຂ້ອງ ຫຼື ຫຼົ້ມບໍ່ເກີນ 8 ຊົ່ວໂມງພາຍໃນ 1 ປີ.

ຖ້າຫາກຫຼົ້ມເກີນ 8 ຊົ່ວໂມງຕໍ່ປີ ຈະຖືກລົງໂທດຕາມລຳດັບຄື ເລີ່ມຈາກຕັກເຕືອນ ສັ່ງໃຫ້ປັບປຸງແກ້ໄຂ ຈົນເຖິງໂທດປັບໃໝສູງສຸດ 500.000 ບາດຕໍ່ຄັ້ງ ແລະ ຖ້າບໍ່ດຳເນີນການແກ້ໄຂຈະປັບໃໝເພີ່ມ 5.000 ບາດຕໍ່ມື້.

ທີ່ມາ khaosod